Guliston shahrida kambag‘allikni qisqartirish borasidagi ishlar izchil davom etmoqda

Bojxona qo‘mitasi Raisi o‘rinbosari N.Musamuxamedov Guliston shahrida kambag‘allikni qisqartirish, aholi bandligini ta’minlash va daromadlarini oshirish borasida amalga oshirilayotgan ishlar bilan tanishdi.

O‘rganishlar davomida shaharning “Bo‘ston” mahallasida aholi farovonligini oshirish bo‘yicha amalga oshirilayotgan chora-tadbirlarga alohida e’tibor qaratildi. Mahallada 11 750 nafar aholi istiqomat qiladi va 2 810 ta xonadon mavjud.

Shuningdek, “Baxt” mahallasidagi ijtimoiy-iqtisodiy holat ham o‘rganildi. Mahallada 3 278 nafar aholi istiqomat qiladi. Hududda 31 ta ko‘cha, 714 ta xonadon va 745 ta oila bor.

Mahallalarda aholi bandligini ta’minlash, oilaviy daromadlarni oshirish, tadbirkorlikni rivojlantirish hamda kambag‘allikni qisqartirish borasida amalga oshirilayotgan ishlar tahlil qilindi.

O‘rganishlar davomida aniqlangan muammolarni bartaraf etish, aholi daromadlarini oshirish va mavjud imkoniyatlardan samarali foydalanish bo‘yicha tegishli vazifalar belgilab olindi.