KUNNING YAXSHI XABARI!

Bojxona instituti kursantlari xalqaro konferensiya doirasidagi koʻrik-tanlovda gʻoliblikni qoʻlga kiritdilar

Jamoat xavfsizligi universiteti tomonidan IV Xalqaro ilmiy-amaliy konferensiya doirasida “Oliy harbiy taʼlim muassasalarida rus tilini oʻqitishda eng yaxshi loyihalar” koʻrik-tanlovi oʻtkazildi.

Tanlovda 50 dan ortiq loyiha koʻrib chiqildi va ular orasidan eng munosiblari saralanib, gʻoliblar aniqlandi. Xususan, Bojxona instituti kursantlari A.Zaripov, F.Isomiddinova, J.Niyozovalar "Oliy harbiy taʼlim muassasalarida rus tilini oʻqitishda eng yaxshi loyiha" nominatsiyasida gʻolib deb topildi.

Taqdirlash marosimida ham Bojxona instituti kursantlari faol ishtirok etib, badiiy qismida 5 nafar kursant tomonidan jonli ijroda qo‘shiqlar kuylandi.