Палескія цэрквы пакінулі без найвышэйшай аховы: Мінкульт назваў гэта «суверэнным правам»

Міністэрства культуры адмовілася надаваць найвышэйшую катэгорыю аховы ўнікальным драўляным храмам Палесся, якія яшчэ ў 2004 годзе Беларусь прапанавала ўключыць у Спіс сусветнай спадчыны ЮНЕСКА.

За 22 гады такі ступень аховы не атрымаў ніводзін з палескіх храмаў. У Мінкульце цяпер заявілі, што наданне гэтай катэгорыі — толькі «суверэннае права і добраахвотны план дзяржавы».

Асабліва паказальная гісторыя Свята-Міхайлаўскай царквы XVIII стагоддзя ў Сцяпанках Жабінкаўскага раёна. Шмат гадоў тут служыў праваслаўны святар Сяргей Рэзановіч, якога разам з сям'ёй абвінавацілі ва ўдзеле ў «злачыннай арганізацыі», падрыхтоўцы тэракту і замаху на змову з мэтай захопу ўлады. У 2022 годдзе айца Сяргея асудзілі на 16 гадоў, яго жонку Любоў — на 15, сына Паўла — на 19 гадоў зняволення. Праваабаронцы прызналі сям’ю палітвязнямі.

У ліпені 2025 года храм у Сцяпанках згарэў падчас рамонтных работ. Нягледзячы на захаваныя абмеры і фотафіксацыю, Мінкульт прызнаў яго аднаўленне «немагчымым», а ў маі 2026 года пазбавіў помнік ахоўнага статусу.