9 октября Церковь отмечает день памяти святого апостола и евангелиста Иоанна Богослова и день прославления Святителя Тихона Московского.

Святой апостоле и еванглисте Иоанне, Святителе отче Тихоне, молите Бога о нас!

Тропарь апостолу и евангелисту Иоанну Богослову, глас 2
Апо́столе, Христу́ Бо́гу возлю́бленне,/ ускори́ изба́вити лю́ди безотве́тны,/ прие́млет тя, припа́дающа,/ И́же па́дша на пе́рси прие́мый./ Его́же моли́, Богосло́ве,/ и належа́щий о́блак язы́ков разгна́ти,// прося́ нам ми́ра и ве́лия ми́лости.

Кондак апостолу и евангелисту Иоанну Богослову, глас 2
Вели́чия твоя́, де́вственниче, кто пове́сть?/ То́чиши бо чудеса́, и излива́еши исцеле́ния,/ и мо́лишися о душа́х на́ших,// я́ко Богосло́в и друг Христо́в.


Тропарь Святителю Тихону, глас 3
В годи́ну тя́жкую Бо́гом избра́нный/ в соверше́нной свя́тости и любви́ Бо́га просла́вил еси́,/ во смире́нии вели́чие, в простоте́ и кро́тости си́лу Бо́жию явля́я,/ положи́л ду́шу за Це́рковь, за лю́ди своя́,/ испове́дниче патриа́рше свя́те Ти́хоне,/ моли́ Христа́ Бо́га,/ Ему́же сораспя́лся еси́,// и ны́не спасти́ зе́млю Ру́сскую и па́ству твою́.

Кондак Святителю Тихону глас 5:
Служение твое исполнено стоном и горем, / священно-мучениче Тихоне, Патриарше наш, / но был еси правило веры и образ кротости, / побеждая распри и разделения; / силою смирения и любви Христовой противостал еси злобе сатанинской, / возглавил еси доброе воинство новых мучеников, // Церковь Российскую утвердивших на веки.