🍎🏃📚✏️
 
 
 چئشیتلی یئل آدلاری
 
«یئل» ین چئشیدلی آدلاری
😍 آذربایجان تورکجه سینده یئل سؤزو اسینتی یؤنو ایله (جهت وزش) اسمه دؤنَمینه (فصل وزش) گؤره باشقا آدلار قازانمیشدیر. بو پایلاشیمدا بو سؤزلرین بیر سیراسینی سیز دَیَرلی باخیب گؤره نلره سونولور.
یئل : اسینتی ایله اسن.
 
آغ یئل : اکینه جکلری تئز یئتیشدیرمک اؤزه للییی اولان گونئی باتیدان اسن یئل.
 
قارا یئل : قوراقلیق سالیب اکینلری قورودماق اؤزه للیی اولان قوزئی دوْغودان (شمالشرق) اسن یئل.
 
قان یئلی : ایکی گوٌن دالبادال چوخ شیددتلی توْولا اسن بیر یئل دیر.
 
چن یئلی : دوْغو(شرق) ایله قوٌزئی دن اسن بیر یئل. بو یئل یاش اولماقلا بیرلیکده یاغینتلاری چوخالدار بونا گؤره دوْغایا (طبیعت) چوخ یارارلیدیر.
 
قیبله یئلی : گوٌز(پاییز) له  قیش دؤنه مینده هاوانی و گؤوه رنتیلری قورودان گوٌنئی (جنوب) دن اسن یئل.
 
سوٌرتوک یئل :  داها چوخ قوزئی دن اسر. قیشدا هاوانی سوْیودار یای دا هاوانی ایسسیله شدیریب یوموشالدار.
 
سازاق : شیددتله اسن سوْیوق یئل.
 
دوْلان یئل : باتی ایله قوزئی باتی دان اسر اکینچیلیییه چوخ یارارلیدیر بو یئل بوتون دؤنملرده یوموشاق توْولا اسیب اؤزو ایله یاغینتیلاری بؤلگه یه گتیرر.
 
دان یئلی : گوٌن چیخاندان سونرا اسن یئللرین آدی.
 
دومانلی یئل : داغین اتگینده سیخ آغ بولود بیچیمینده گؤرونر. قیشدا قار یاغینتیسینی، یازدا-گوٌزده سوْیوق یاغیشین ندنی دیر.
 
چوْوغون : یئل ایله گلن کوٌلکلی قار یاغیش.
 
کوٌلَک : توْوونان گلن قارلی یئل.
 
بوْران : قاسیرغا ایله گلن سوْیوق یئل.
 
بوْغاناق / بورغان : توْز ایله گلن توْولو یئل.
 
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯