قورد قوْنوسوندا فیردوسی‌نین شاهیدلیگیندن سوْنرا سوریانی میکاییل‌ین ده اوْغوزلارین آنادوْلویا قوردا بنزر بیر حئیوانین یوْل گؤسترمه‌سی ایله گلدیکلرینی سؤیله‌میش اوْلماسی بیزه گؤره چوْخ اؤنملی‌دیر. چوٌن‌کی بو تثبیت آنادوْلو خالق اینانج‌لاریندا مختلف دینی اویغولاما(اجرا)لار شکلینده کئچن قورد موتیفی بیر تاریخی قئیدده یئر آلاراق داها فرقلی بیر ماهیت قازانماقدا‌دیر. بو تثبیت‌ده‌کی باشقا اؤنملی مسأله «قوردا بنزر بیر حئیوان» تعریفی‌دیر. بیلیندیغی کیمی اوٌزرینده دورولان قورد هرهانسی بیر قورد دئییل‌دیر. احتمالاً قورد دوْنونا گیریش سؤز قوْنوسودور. باشقا طرف‌ده قاراقورد، اوْنا ساچی یاپیلاراق عادتاً خشم‌یندن قوْرونولماغا چالیشیلان قوْرخولان قورددور. آغ-آل قورد ایسه، موژده‌له‌ین، برکت و گوٌج وئرن قوْنومدا بیر قورددور. تثبیتی یاپیلان اینانج ماتریالینداکی قورد ایسه چوْخ دفعه بوْز، گؤی و یا گری قورددور. عادتاً باشقا ایکی قوردون اؤزللیک‌لرینی اوزرینده توْپلامیش‌دیر. بو اعتبارلا سوریانی میکاییل‌ین قورد دئییل ده قوردا بنزه‌ین دئمیش اوْلماسی اؤزل آنلام ایچرمیش اوْلابیلر.
╭•••••••••••••••••••••• ••••••••••╮
╰➤@chgrmn
#تورکجه_دانیش_ائلنن_باریش
#تورکجه_یازاق_ائلنن_قالاق
#کیملیییمیزه_بیرگه_دالاق
╰••••••••••••••••••••••••••••••••╯
Post #5221
43