37 ёшли Акмал Бозоровга талончилик, қотиллик ва бошқа айбловлар қўйилганди.
Нима бўлган эди?
2009 йил мартда Кореянинг Чангвон шаҳрида 50 ёшлар атрофидаги таксичи машинаси ичида ўлдирилган ҳолда топилади.
Ўша йил июлда полиция бошқа бир таксидаги талончилик бўйича уч кишини, жумладан, Акмални қўлга олади. Кейин эса мартдаги қотилликни ҳам унга боғлайди.
Акмал талончиликда қатнашганини тан олган, аммо таксичини ўлдирмаганини айтган. Терговда қотилликни бўйнига олганини эса полициянинг зўравонлиги ва босими билан изоҳлаган. Шунга қарамай, у умрбод қамалган.
Орадан 16 йилдан зиёд вақт ўтиб, суд терговда жиддий қонунбузарликлар бўлганини аниқлади. The Korea Times’га кўра, полиция Акмалга “ДНКнг жиноят жойидан топилди”, деб ёлғон гапирган. Қотилликни бўйнига олдириш учун ўлган таксичини ҳали тирик деб ишонтиришга уринган. Корейс тилини яхши билмаса ҳам, унга атайлаб таржимон берилмаган.
Суд ишни қайта кўришга қарор қилиб, Бозоровни якуний ҳукмгача озодликка чиқарди. Қотиллик иши бўйича далиллар энди қайта текширилади.
❤️🔥 @CHAQMOQ