Азаматтық авиация комитетінің қызметкерлері сенбілікке шықты

Қазақстан Республикасы Көлік министрлігінің Азаматтық авиация комитетінің қызметкерлері «Таза Қазақстан» жалпыұлттық экологиялық акциясы аясында сенбілікке қатысты.
Экологиялық бастамаға Комитеттің жетекшілік ететін Вице-министрі мен Төрағасы бастаған бүкіл ұжым атсалысты. Қызметкерлер бір кісідей сенбілікке шығып, аумақты тазалап, іргелес учаскелерді ретке келтірді.
Мұндай іс-шараларға қатысу ұжым үшін қоршаған ортаны абаттандыруға өз үлесін қосудың маңызды мүмкіндігі. «Таза Қазақстан» акциясы барша азаматты қарапайым, бірақ маңызды қағидатқа – тазалық пен тәртіп әрқайсымыздан басталатынына үндейді.