За 10 тыдняў існавання дапамога была аказана больш за 1000 разоў тым, хто пацярпеў за апошнія месяцы: за палітычныя погляды, хто праходзіў па адміністрацыйных справах або быў затрыманы падчас мірных акцый.

Ідэя праекта INeedHelpBy наступная: дапамагаць прадуктамі тым, хто апынуўся ў няпростай жыццёвай сітуацыі.

Ініцыятыва аказвае дапамогу толькі ў выглядзе прадуктаў харчавання, і дастаўляецца раз у 2 тыдні.

Памер прадуктовага кошыка залежыць ад колькасці членаў сям'і і персанальных патрэбаў. Улічваюцца медыцынскія супрацьпаказанні, а таксама смакавыя перавагі. Хатнія гадаванцы, якімі б экзатычнымі яны ні былі, таксама не застануцца галоднымі.

Трэба зайсці ў тэлеграм-бот @INeedHelpBY_bot і ўказаць, што хацелі б атрымаць дапамогу. Бот сам злучыць сям'ю з памочнікам.

Памочнік атрымае спіс крам, у якіх зможа замовіць прадукты праз інтэрнэт, а праз некалькі дзён заказ будзе дастаўлены сям'і дадому.
Калі патрэбная дапамога, то варта пісаць у бот праекта (патрэбны тэлеграм) @INeedHelpBY_bot.