Kogon tumani IIB boshlig‘i "Tutkunda" mahallasida sayyor qabul o‘tkazdi
Kogon tumani Ichki ishlar bo‘limi boshlig‘i tomonidan tumandagi "Tutkunda" mahalla fuqarolar yig‘inida aholi muammolarini o‘rganish va hal etish maqsadida navbatdagi sayyor qabul bo‘lib o‘tdi.
Ushbu ochiq muloqotda fuqarolar mas'ullarga 10 ga yaqin murojaat yo‘lladi. Qabul davomida aholi tomonidan asosan hududdagi ichki ko‘chalarni shag‘allashtirish va asfaltlashtirish, xotin-qizlarga himoya orderi ajratish, nizoli oilalarni yarashtirish hamda voyaga yetmagan farzandni qonuniy tartibda otasidan olib berish kabi masalalar o‘rtaga tashlandi.
Murojaatlarni o‘rganish jarayonida nizoli oilalarni yarashtirish bo‘yicha darhol amaliy choralar ko‘rildi. Ijrosi ma'lum vaqt talab etadigan qolgan murojaatlar yuzasidan tegishli xodimlarga aniq ko‘rsatmalar berilib, ularning qonuniy hamda ijobiy hal etilishi bo‘lim boshlig‘i tomonidan nazoratga olindi.
🇺🇿 Rasmiy sahifalarimizni kuzatib boring:
Sayt|Telegram|Facebook|Instagram|YouTube