Бухоро тиббиёти

Бухорода аҳоли руҳий саломатлигини муҳофаза қилиш чоралари кучайтирилмоқда

Бухоро вилоятида аҳоли руҳий саломатлигини мустаҳкамлаш, спиртли ичимликларга қарамликнинг олдини олиш, соғлом турмуш тарзини тарғиб қилиш ҳамда наркологик касалликларни эрта аниқлашга қаратилган профилактик тадбирлар изчил давом эттирилмоқда.

Бу борада Президентимизнинг 2026 йил 5 январдаги «Республика маҳаллаларида хавфсиз муҳитни яратиш йўналишида яхлит манзилли ишлаш тизимини жорий этишга қаратилган қўшимча чора-тадбирлар тўғрисида»ги ПҚ-1-сонли қарори ва ПҚ-2-сонли қарор ижроси доирасида тизимли ишлар олиб борилмоқда.

Жумладан, 13 октябрь куни Бухоро шаҳридаги 7-оилавий поликлиникада 12-сонли «Хўжа Ғунжорий» маҳалласи аҳолиси учун чуқурлаштирилган тиббий кўрик ташкил этилди. Республика ихтисослаштирилган руҳий саломатлик илмий-амалий тиббиёт марказининг Бухоро вилоятидаги психиатрия ва наркология хизмати мутахассислари томонидан 128 нафардан ортиқ фуқаро наркологик, 30 нафардан зиёд фуқаро психиатрия йўналишида кўрикдан ўтказилди. Шунингдек, диспансер ҳисобида турувчи 35 нафар бемор чуқурлаштирилган тиббий кўрикдан ўтказилиб, уларга тегишли тавсиялар берилди.

Мутахассислар аҳолига спиртли ичимликларнинг инсон саломатлиги, руҳий ҳолати ва оилавий муҳитга салбий таъсири, қарамликнинг дастлабки белгиларини ўз вақтида аниқлаш ҳамда тиббий ёрдамга мурожаат қилиш муҳимлигини тушунтирмоқда.

Амалга оширилаётган чора-тадбирлар аҳоли руҳий саломатлигини муҳофаза қилиш, зарарли одатларнинг олдини олиш, касалликларни эрта аниқлаш ва фуқароларга малакали тиббий ёрдам кўрсатиш самарадорлигини оширишга хизмат қилмоқда.

😎Бухоро тиббиёти

Куз-қиш мавсумида иситиш печларидан хавфсиз фойдаланинг

Куз-қиш мавсумида иситиш печларидан фойдаланишда ёнғин хавфсизлиги қоидаларига қатъий риоя қилиш зарур.

Қаттиқ ва суюқ ёқилғида ишлайдиган печлар ҳамда дудбуронлар иситиш мавсуми бошланишидан олдин ва мавсум давомида мунтазам равишда қурумдан тозаланиши шарт

Ёқилган печни назоратсиз қолдириш, уни ёш болаларга топшириш, печ ва тандирни ёқишда бензин, керосин ёки дизель ёнилғисидан фойдаланиш қатъиян тақиқланади. Шунингдек, печни ҳаддан ташқари қиздириш, эшигини очиқ ҳолда ёқиш ва хавфсизлик талабларига жавоб бермайдиган қўлбола темир печлардан фойдаланиш мумкин эмас.

Печ яқинида кийим қуритиш, ёнувчан буюмларни сақлаш, ўтин, кўмир ва бошқа ёқилғиларни печ атрофида ҳамда ўтхона эшиги олдида тўплаш хавфли ҳисобланади.

Батафсил видеода

Хавфсизликка бефарқ бўлманг — ёнғиннинг олдини олиш ўз қўлимизда!

😎Бухоро тиббиёти

"Зулфия" мукофотига тиббиёт йўналиши ҳам киритилди

Зулфия номидаги Давлат мукофоти танловида иштирок этиш имкониятлари кенгайди. Энди тиббиёт соҳасида юқори натижаларга эришаётган иқтидорли ва ташаббускор қизлар ҳам ушбу нуфузли мукофот учун ўз номзодларини илгари суришлари мумкин.

Танловнинг жорий йилги муҳим янгиликларидан бири — анъанавий йўналишлар қаторига «Тиббиёт» йўналиши ҳам қўшилганидир. Шу тариқа номзодлар таълим, фан, адабиёт, маданият, санъат, спорт, ахборот технологиялари, жамоатчилик фаолияти ва тиббиёт каби жами 9 та йўналиш бўйича сараланади.

Мукофотга 14 ёшга тўлган ва 30 ёшдан ошмаган, аъло хулқи, ноёб истеъдоди ҳамда сўнгги уч йил давомида халқаро ёки республика миқёсида юқори натижаларга эришган хотин-қизлар номзод сифатида иштирок этишлари мумкин.

Тиббиёт соҳасида илмий изланишлар олиб бораётган, амалий фаолияти, инновацион ғоялари ва ютуқлари билан ажралиб турган ёш мутахассислар учун бу муҳим имкониятдир.

Танловда иштирок этиш истагидаги талабгорлар онлайн рўйхатдан ўтишлари ҳамда зарур ҳужжатларни доимий яшаш жойидаги туман ёки шаҳар Оила ва хотин-қизлар бўлимларига тақдим этишлари лозим.

🔗 Онлайн рўйхатдан ўтиш: https://shorturl.at/9ui9P

📄 Батафсил маълумот: https://lex.uz/docs/7190311

😎Бухоро тиббиёти

#Тавсия

Болаларга иситма туширувчи дориларни қачон бериш керак?

🟡 Болаларда тана ҳарорати кўтарилганда иситма туширувчи дориларни қачон бериш керак? Ота-оналар бу борада қандай хатоларга йўл қўяди? Шамоллашда кўп суюқлик ичиш нима учун муҳим?

👩‍⚕️ Ушбу саволларга Республика ихтисослаштирилган педиатрия илмий-амалий тиббиёт маркази шифокорлари Умида Норхўжаева ва Зулайҳо Файзиева батафсил жавоб беришди.

📹 Видеолавҳада болалар саломатлиги билан боғлиқ муҳим тавсиялар билан танишинг.

Соғлиқни сақлаш вазирлиги Матбуот хизмати.

😎Бухоро тиббиёти

Ис гази — сезилмас хавф: бир хато ҳаётга зомин бўлиши мумкин

Иситиш мосламаларидан нотўғри фойдаланиш ёнғин ва ис газидан заҳарланишга сабаб бўлиши мумкин.

Фавқулодда вазиятлар вазирлиги фуқароларни иситиш мосламаларидан фойдаланишда хавфсизлик қоидаларига қатъий риоя этишга чақирди.

Эҳтиёт чораларини кўринг — ўзингиз ва яқинларингиз ҳаётини хавф остига қўйманг!

😎Бухоро тиббиёти

⏺🟦🟦🟦🟦

✅«Мунтазам жисмоний ҳаракат ва совуқ сув билан чиниқиш — табиат инсонга инъом этган энг ишончли дорихонадир.»

✍🏻Александр Суворов

😎Бухоро тиббиёти

Фирибгарликдан ҳимояланинг: «APK Қўриқчи» иловасидан фойдаланинг

Ҳурматли фуқаролар!

Бугунги кунда республика бўйлаб пластик карталардан пул маблағларини фирибгарлик йўли билан ечиб олиш ҳолатлари учраб турибди. Кибержиноятчилик қурбонига айланмаслик учун рақамли хавфсизлик қоидаларига риоя қилиш муҳим.

«APK Қўриқчи» иловаси шубҳали файлларни аниқлаш ва киберхавфлардан ҳимояланишга ёрдам бериши мумкин.

📲 Иловани қуйидаги ҳавола орқали кўриб чиқинг:
https://promo-bot-ucad.onrender.com/r/MqP4m3_lGSGxrrf4mHKP0g

⚠️ Эслатма: иловани ўрнатишдан олдин унинг ишлаб чиқарувчиси, тавсифи ва талаб қилинадиган рухсатларини текширинг. Номаълум манбалардан APK-файлларни юклаб олманг, банк картангиз маълумотлари ва SMS-кодларни ҳеч кимга берманг.

Киберхавфсизлик — ўз маблағларингизни ҳимоя қилишдан бошланади!

😎Бухоро тиббиёти

#Халқаро_ҳамкорлик

🇯🇵🇯🇵 🇺🇿🇺🇿Япония делегацияси Бухорода: соғлиқни сақлаш ва тиббий таълим соҳаларида ҳамкорлик истиқболлари муҳокама қилинди

Бухоро вилоятида амалий тиббиёт соҳасида халқаро ҳамкорлик алоқалари изчил ривожланмоқда. Айни пайтда Туркия, Россия, Жанубий Корея, Хитой каби давлатлар билан тиббиёт соҳасидаги ҳамкорлик алоқалари кенгайиб, аҳолига кўрсатилаётган тиббий хизматлар сифатини ошириш, замонавий технологияларни жорий этиш ва илғор хорижий тажрибани амалиётга татбиқ этишга алоҳида эътибор қаратилмоқда.

Навбатдаги муҳим қадам сифатида Япония билан ҳамкорлик алоқаларини ривожлантириш масалалари муҳокама қилинмоқда. Шу кунларда Япониянинг “Japan – Uzbekistan Silk Road Foundation” жамғармаси делегацияси Бухоро вилоятида бўлиб турибди.

Делегация таркибидан Япониянинг давлат ва бизнес доиралари, тиббиёт, қишлоқ хўжалиги, туризм, таълим ҳамда ҳудудий ривожланиш соҳалари вакиллари ўрин олган.

Ташриф доирасида делегация аъзолари Бухоро вилояти соғлиқни сақлаш бошқармаси бошлиғи Мухсин Ражабов билан учрашди. Мулоқот давомида соғлиқни сақлаш соҳасида ўзаро ҳамкорликни ривожлантириш, замонавий тиббий технологияларни жорий этиш, тиббиёт муассасаларининг моддий-техник базасини мустаҳкамлаш ва халқаро тажриба алмашиш масалалари муҳокама қилинди.

Шунингдек, Япония делегацияси Абу Али ибн Сино номидаги Бухоро давлат тиббиёт институтида бўлиб, таълим ва тиббиёт соҳаларида ҳамкорликни кенгайтириш, илғор хорижий тажрибани ўрганиш ҳамда келгусидаги қўшма ташаббусларни амалга ошириш имкониятлари билан танишди.

Мазкур ташриф Ўзбекистон ва Япония ўртасида соғлиқни сақлаш ҳамда тиббий таълим йўналишларидаги ҳамкорликни янги босқичга олиб чиқиш, илғор технологиялар ва тажрибаларни амалиётга татбиқ этиш, шунингдек, истиқболли лойиҳаларни ривожлантириш учун муҳим аҳамият касб этади.

😎Бухоро тиббиёти