🇺🇸🇮🇱🇮🇷 АҚШ Исроилни Эронга қарши мустақил равишда зарба беришга чақирган

Қўшма Штатлар сўнгги икки ҳафта давомидаги муҳокамаларда Исроилдан Эронга қарши ҳарбий амалиётни бир ўзи амалга оширишни талаб қилган. Бу ҳақда манбаларига таяниб Мааriv нашри хабар берди.

Нашр манбаларига кўра, Вашингтон Эронга қарши ҳарбий амалиётнинг сиёсий хатарларини АҚШ президенти Доналд Трамп эмас, балки Исроил ҳукимати ўз зиммасига олишини истаган. Бунга Қўшма Штатларда бўлиб ўтадиган оралиқ сайловлар сабаб бўлган.

"Америкалик расмийлар Исроил ўз парламент сайловларидан олдин Эронга зарба беришдан манфаатдор бўлишига ишонган. АҚШ томонидан оралиқ сайловлар олдидан ўтказиладиган амалиёт эса Трамп учун салбий сиёсий оқибатларга олиб келиши мумкин эди. Вашингтон ҳозирча бу талабидан чекинган. Исроил бош вазири Бинямин Нетаняхунинг бу масаладаги позицияси ҳозирча номаълумлигича қолмоқда", дейилади хабарда.

Аввалроқ Трамп Эронга қарши ҳужумларни қайта тиклашни кўриб чиқаётгани хабар қилганди. Сўнгги маълумотлар эса Американинг дастлабки таклифи аслида Трампнинг Исроилга сайловгача Эронга зарба беришни буюргани бўлганини кўрсатмоқда.

🔥 @burchakostida