🇺🇦🇺🇸🇷🇺 Трамп томонидан Россия дизели экспортига рухсат берилиши Кремлга Украина урушини молиялаштиришда ёрдам беради — ISW

Америка Урушни ўрганиш институти (ISW) таҳлилчиларининг баҳосига кўра, АҚШ президенти Доналд Трампнинг Россия дизел ёқилғисини жаҳон бозорига етказиб беришни маъқуллаш ҳақидаги қарори Москвага Украинага қарши урушни молиялаштиришда давом этишига ёрдам беради.

Экспертларнинг фикрича, дизел экспортидан келадиган даромадлар Кремлга келгусида ҳам ҳарбий харажатларни қоплаш имконини беради. ISW, шунингдек, ушбу қарор Вашингтоннинг Москва билан музокаралардаги позициясини заифлаштириши мумкинлигини таъкидламоқда.

Таҳлилчиларнинг ҳисоботида қайд этилишича, гарчи Кремл урушни тугатиш бўйича музокаралар доирасида ҳеч қандай жавоб қадамларини таклиф қилмаган бўлса-да, АҚШ Россия дизели экспортига рухсат бериш орқали бир томонлама ён босган.

Аввалроқ Доналд Трамп Владимир Путин билан Россия дизел ёқилғисини етказиб беришдаги чекловларни бекор қилишни кўзда тутувчи келишувга эришгани ҳақида эълон қилганди. Кўп ўтмай АҚШ Молия вазирлиги Россия дизелини жаҳон бозорига экспорт қилишга рухсат берувчи вақтинчалик лицензия берди.

Трампнинг сўзларига кўра, Россия тез орада жаҳон бозорига бир неча миллион тонна дизел ёқилғисини етказиб бериши мумкин.

🔥 @burchakostida