Assalomu alaykum, teacher!

Ustozlar kuni bilan sizni chin qalbimdan tabriklayman. Bizga bergan bilimingiz, sabringiz va doimo qo‘llab-quvvatlab kelganingiz uchun rahmat aytmoqchiman. Mening fikrimcha, ustozning qadri yillar o‘tgan sari yanada yaxshi bilinarkan. O‘sha paytda oddiy tuyulgan biror gapingiz, bergan maslahatingiz yoki bizga bildirgan ishonchingiz keyinchalik qanchalik muhim bo‘lganini tushunib borayapman. Men har doim sizdan olgan bilimlarim va o‘rganganlarimga amal qilishga harakat qilaman va ularni qadrlayman. Sizga eng avvalo sog‘lik, oilangizga tinchlik-xotirjamlik va qilayotgan mehnatingizdan doimo mamnunlik tilayman. Har bir qilgan yaxshiligingiz o‘zingizga yanada chiroyli bo‘lib qaytsin. Shogirdlaringizning yutuqlarini ko‘rib, qilgan mehnatingizning samarasidan doimo quvonib yuring. Menga bergan e’tiboringiz, bilimingiz va maslahatlaringiz uchun yana bir bor rahmat. Sizni ustozim deb bilishimdan va Sizdan ta’lim olganimdan faxrlanaman.

Bayramingiz muborak bo‘lsin!