#TalabalarAmaliyoti #Ta’limSifati

Ayni damda Buxoro davlat pedagogika institutida talabalar amaliyoti rahbarlari ishtirokida ishchi uchrashuv bo‘lib o‘tmoqda

👍 Uchrashuvda institut nomidan O‘quv-uslubiy boshqarma boshlig‘i Davronov Nurzod Ismoilovich hamda Talabalar amaliyoti bo‘limi boshlig‘i Usmonova Mubashira Suvonovna ishtirok etib, amaliyot rahbarlari bilan talabalar amaliyotini samarali tashkil etish, mavjud vazifalar ijrosini ta’minlash va hamkorlikni yanada mustahkamlash masalalarini muhokama qilmoqda.

✅ Muloqot davomida Career.edu.uz platformasidagi ishlar holati, talabalar amaliyotini takomillashtirish hamda amaliyot jarayonida yuzaga kelayotgan masalalarni samarali hal etish yuzasidan fikr almashilmoqda.Shuningdek, bo‘lajak o‘qituvchilarning kasbiy kompetensiyalarini rivojlantirish, ularning nazariy bilimlarini amaliyot bilan uyg‘unlashtirish, dars jarayonida zamonaviy pedagogik yondashuvlardan samarali foydalanish masalalariga alohida e’tibor qaratilmoqda.

➡️ Uchrashuv yakunida mas’ullarga belgilangan vazifalarni o‘z vaqtida va sifatli bajarish, talabalar amaliyoti ustidan nazoratni kuchaytirish hamda bo‘lajak pedagoglarning kasbiy tayyorgarligini oshirish bo‘yicha tegishli ko‘rsatmalar berilmoqda.Mazkur uchrashuv talabalar amaliyoti sifatini oshirish, ta’lim muassasalari bilan hamkorlikni rivojlantirish va kelajakda malakali pedagog kadrlarni tayyorlashga xizmat qiladi.

👍🟥🟥🟥🟥🟥🟥

✅ Ijtimoiy tarmoqlardagi sahifalarimiz:

📱 Telegram |🌐 Veb-sayt | 📱 Instagram | 📱 You tube