Алматы ма, әлде Астана ма: бүгінде тұрғын үйді қай қалада сатып алу тиімді?

Алматы мен Астана арасындағы баға айырмашылығы жылдам қысқарып келеді. Егер бірнеше жыл бұрын елорда нарығы оңтүстік астанадан 30–40%-ға артта болса, бүгінде айырмашылық іс жүзінде жойылды.

Qazaq Expert Club құрылыс саласының сарапшысы Диляра Сейтнурова айтуынша, Алматыда бастапқы тұрғын үйдің орташа бағасы 1 шаршы метрге 719,6 мың теңгені, ал қайталама нарықта – 741 мың теңгені құрайды. Астанада бұл көрсеткіштер тиісінше 715,4 мың және 727,5 мың теңге деңгейінде.