Сенатор Ўзбекистонда педофилларни кастрация қилишни таклиф этди.

Сенатор Рустам Каланов Ўзбекистонда педофилларни кастрация қилиш масаласини кўриб чиқишни таклиф этди. Бу ҳақда у 2 октябр куни Олий Мажлис Сенатининг 20 ялпи мажлисида маълум қилди.

Мажлисда болаларни зўравонликнинг барча шаклларидан ҳимоя қилишга қаратилган қонун муҳокама қилинди. Каланов айрим давлатларда болаларга нисбатан жинсий жиноят содир этган шахсларга нисбатан жарроҳлик йўли билан кастрация қўлланилишини айтиб, Ўзбекистонда ҳам бундай чорани кўриб чиқишни таклиф қилди.

Сенат раиси Танзила Норбоева эса аввало янги қабул қилинаётган қонуннинг амалиётда қандай ишлашини кузатиш, шундан сўнг зарурат бўлса, уни янада такомиллаштириш мумкинлигини билдирди.

⚡️ @BugungiGap - ТВда кўрсатилмайдиган тезкор хабарлар.