Jamoatchilik kengashi yig‘ilishi bo‘lib o‘tdi

O‘zbekiston Respublikasi Prezidenti huzuridagi Boshqaruv samaradorligi agentligi huzuridagi Jamoatchilik kengashining navbatdagi yig‘ilishi bo‘lib o‘tdi.

Dastlab, Kengash a’zolari Rahbar kadrlarni baholash markazi faoliyati, zamonaviy baholash tizimi va ilg‘or assessment texnologiyalari imkoniyatlari bilan yaqindan tanishdilar.

Shundan so‘ng, Agentlikning 2026-yilning 9 oyi davomida amalga oshirgan ishlari sarhisob qilinib, davlat boshqaruvi samaradorligini oshirish, davlat xizmatida zamonaviy boshqaruv yondashuvlarini joriy etish hamda islohotlarning aniq natijalarga yo‘naltirilganligini ta’minlash masalalari muhokama qilindi. Shuningdek, kelgusidagi ustuvor vazifalar va ularni amalga oshirishning muhim yo‘nalishlari yuzasidan fikr almashildi.

Yig‘ilishda Jamoatchilik kengashining ish rejasiga muvofiq, sohaga oid jamoatchilik fikri va murojaatlari o‘rganilib, tegishli tahlillar amalga oshirilgani qayd etildi. Normativ-huquqiy hujjatlar loyihalarini ishlab chiqishda jamoatchilik vakillarining taklif va tavsiyalarini inobatga olish, qabul qilinayotgan qarorlarning hayotiyligi va amaliy samaradorligini oshirish masalalariga alohida e’tibor qaratildi.

Muhokamalar davomida davlat organlari va tashkilotlarida boshqaruv samaradorligini oshirish, inson resurslarini zamonaviy yondashuvlar asosida boshqarish, kadrlar salohiyatini rivojlantirish hamda davlat xizmatida natijadorlik va hisobdorlikni kuchaytirish yuzasidan taklif va tavsiyalar bildirildi.

Yig‘ilish yakunida Jamoatchilik kengashi faoliyatini yanada takomillashtirish, davlat boshqaruvida ochiqlik va shaffoflikni mustahkamlash, jamoatchilik bilan samarali muloqotni kengaytirish hamda bildirilgan takliflarni amaliyotga tatbiq etish muhimligi ta’kidlandi.

Rasmiy sahifalarimiz
Veb-sayt|Telegram|Facebook|Instagram|You Tube|X|in|Aloqa