#KUN_TARIXI
15 - OKTYABR

◽️1993-yil Buyuk Britaniya Tashqi ishlar va hamdoʻstlik ishlari boʻyicha davlat vaziri Daglas Xogning Oʻzbekistonga rasmiy tashrifi amalga oshirildi. Tashrif doirasida ikki davlat oʻrtasida madaniyat va taʼlim sohasida hamkorlik hamda ikki yoqlama soliq olmaslik toʻgʻrisida muhim xalqaro bitimlar imzolandi.

◽️1994-yil Yaponiyaning Xirosima shahrida oʻtgan XII Osiyo oʻyinlarining final uchrashuvida Oʻzbekiston milliy futbol terma jamoasi Xitoy ustidan gʻalaba qozonib, oʻz tarixida ilk bor Osiyo oʻyinlari chempioni boʻldi.

◽️1997-yil Oʻzbekiston tasviriy va amaliy sanʼatini qoʻllab-quvvatlash maqsadida Oʻzbekiston Badiiy akademiyasining maxsus jamgʻarmasi tashkil etildi.

◽️2016-yil Oʻzbekiston Respublikasi Prezidenti vazifasini bajaruvchi Shavkat Mirziyoyev mamlakat huquq-tartibot tizimida burilish yasagan "Korrupsiyaga qarshi kurashish toʻgʻrisida"gi qonun loyihasini Oliy Majlis Qonunchilik palatasiga kiritish boʻyicha qonunchilik tashabbusi bilan chiqdi.

◽️2024-yil Olmaliq kon-metallurgiya kombinatida (OKMK) qiymati 5,3 milliard dollarga teng boʻlgan, yiliga 146 ming tonna katodli mis ishlab chiqarish quvvatiga ega 4-mis boyitish fabrikasi qurilishi rasman boshlandi.

Каnalgа obuna bo'lish uchun 😎 @BSA_fergana