Mana shu narsalarning barchasini AI yordamida qildim.
Kitoblardan yanada unumli foydalanish, o‘qiganlarimizni yaxshiroq tushunish va eslab qolish uchun juda qulay ekan bu promptlar. Hohlasangiz, ishlatgan promptlarimizni ham tashlab beramiz.
Ha, aytgancha… faqat yakshanba kuni post yozadigan bo‘lib qolyapmiz shekilli.
BookloverCouple ✨Bu turdagi kitoblarni ham juda yaxshi ko‘raman. Ayniqsa, darslarimni o‘tkazishda ulardan juda ko‘p ajoyib fikrlar olaman. 📖 Yangi kitobni boshladik!
#finished
Google. Kris Maknab
Google ni deyarli har kuni ishlatamiz. Biror narsani bilmoqchi bo‘lsak Google, nimanidir topish kerak bo‘lsa yana Google. Lekin shu paytgacha men bu gigant kompaniya qanday boshlanganini bilmas edim.
Kitobni o‘qib bo‘lgach, menga eng qiziq tuyulgani ham shu bo‘ldi.
Sergey Brin va Larri Peyj hammasini tayyor biznes, katta jamoa yoki ulkan mablag‘ bilan boshlamagan. Ular Stanfordda o‘qib yurgan paytlarida qidiruv tizimi ustida ishlay boshlashadi. Keyinchalik esa shu oddiyroq ko‘ringan g‘oya Googlega aylanadi.
Kitob davomida bir narsani ko‘p o‘yladim: bugun hammamizga juda katta va oddiy ko‘rinadigan narsalar aslida bir paytlar kimningdir kichkina g‘oyasi bo‘lgan.
Menga yana Googlening faqat texnologiya hisobiga o‘sib ketmagan tomoni qiziq bo‘ldi. Qarorlar, xatolar, raqobat, biznes modelini topish, kompaniyani qanday rivojlantirish, bularning hammasi jarayonning bir qismi bo‘lgan.
Shuning uchun bu kitobni faqat Google tarixi deb qabul qilmadim. O‘qib borarkanman, “Qanday qilib shunday katta narsani qurish mumkin?” degan savoldan ko‘ra, “Odam bir g‘oyaga qanchalik uzoq ishonishi kerak?”degan savol ko‘proq qiziqtirdi.
Eng yaxshi tomoni - kitob Googleni afsonaviy kompaniya sifatida emas, boshida oddiygina muammo ustida ishlayotgan ikki yoshning loyihasi sifatida ko‘rsatadi.
Endi Googledan yana biror narsa qidirayotganimda, balki avvalgidan boshqacharoq qararman. Chunki uning ortida shunchaki qidiruv oynasi emas, juda katta bir tarix bor.
Texnologiya, biznes va katta kompaniyalar qanday paydo bo‘lishi qiziqtiradiganlarga bemalol tavsiya qilaman.
BookloverCouple ✨#review Ko‘rlik - Joze Saramago Tasavvur qila olasizmi, to‘satdan ko‘r bo‘lib qolishingizni? Ha, hatto buni tasavvur qilishning o‘zi ham qiyin. “Ko‘rlik” romanida bir shaharda yashovchi odamlar birin-ketin ko‘r bo‘lib qola boshlaydi. Qizig‘i, muallif bu…
“Ko‘rlik” filmini ham ko‘rib chiqdim. 2008-yilda ishlangan film ekan, juda yaxshi ishlangan. Mazmuni ham ancha ta’sirli. Bo‘sh vaqtingiz bo‘lsa, ko‘rib qo‘yarsiz.
Tasavvur qila olasizmi, to‘satdan ko‘r bo‘lib qolishingizni? Ha, hatto buni tasavvur qilishning o‘zi ham qiyin.
“Ko‘rlik” romanida bir shaharda yashovchi odamlar birin-ketin ko‘r bo‘lib qola boshlaydi. Qizig‘i, muallif bu ko‘rlik nima sababdan tarqalayotganini tushuntirmaydi.
Ko‘rlikning tasviri ham o‘ziga xos. Odatda ko‘rlik qorong‘ulik bilan bog‘lanadi. Saramagoda esa aksincha odamlar “oq ko‘rlik”ka duchor bo‘lishadi. Balki muallif shu orqali bizga ko‘rish va ko‘ra olish bir xil narsa emasligini ko‘rsatmoqchidir.
Hukumat ko‘r bo‘lib qolgan odamlarni imkon qadar karantinga olishga harakat qiladi. Buning uchun esa eski ruhiy kasalliklar shifoxonasi binosidan foydalaniladi. Bu ham o‘ziga xos ramz: ko‘rlik va ruhiy kasalliklar bir makonda.
Odamlar tobora ko‘payib, shifoxona to‘lib boradi. Sharoit esa tobora og‘irlashadi: suv yo‘q, tartib yo‘q, oziq-ovqat yetishmaydi. Odamlar hatto oziq-ovqat uchun bir-biriga qarshi chiqishni boshlaydi. Hamma tomon rasvoga aylanadi. Insonlar asta-sekin hayvonlasha boshlaydi, duch kelgan joyga hojat chiqarishgacha boradi.
Eng qiziq jihatlardan biri asardagi asosiy qahramonlarning birortasining ham ismi aytilmaydi. Ular shifokor, shifokorning xotini, birinchi ko‘r, qora ko’zoynakli qiz, kabi nomlar bilan tasvirlanadi.
Ammo ular orasida bir insonning o‘rni alohida - shifokorning xotini. Butun asar davomida faqat u o‘z ko‘rish qobiliyatini saqlab qoladi. Uning ko‘zlari ochiqligi esa nafaqat najot, balki atrofida sodir bo‘layotgan barcha shafqatsizlik, tubanlik va vahshiylikni ko‘rib turishdek og‘ir azob va mas’uliyatdir.
Nazorat butunlay izdan chiqadi. Jamiyatdagi tartib yo‘qolib, insonlarning asl tabiati yuzaga chiqa boshlaydi. Hatto ko‘r bo‘lib qolganlar ham birlasha olmaydi. O‘z nafsini o‘ylab qilingan ishlar esa asardagi eng chuqur va og‘riqli sahnalardan biridir.
Va menimcha, Saramago bizga aynan shu savolni beradi:
Inson ko‘r bo‘lib qolganda emas, jamiyat ko‘r bo‘lib qolganda nima sodir bo‘ladi?
Ya’ni insonlarning ko‘zi ochiq bo‘lib turib ham ko‘ra olmasligi bundan-da battar ahvolga olib kelishi mumkin.
1998-yilda adabiyot bo‘yicha Nobel mukofotini olgan Joze Saramagoning bu asari, menimcha, bejizga bunchalik qadrlanmagan.
Albatta o‘qing. Chunki “Ko‘rlik” ni o‘qimaslik ham, aslida, bir ko‘rlikdir.
BookloverCouple ✨ pinned «Bugun hayotimizdagi eng baxtli kunlardan biri. ❤️ Bugun Booklovercouple oilasiga mittigina, jajji qizaloq qo‘shildi. 👶🏻🎀 Endi biz ota-onamiz. Ana endi uyimizda ertak kitoblari ham ko‘payadi. Xush kelibsan, qizalog‘im. Hayotimizga xush kelibsan! 🤍 Shukur…»
How can I read @booklovercouple without a Telegram account?
TGViewer shows the public web preview Telegram publishes for BookloverCouple ✨: recent posts, photos, videos and the subscriber count, with no app, login or account.
How many subscribers does BookloverCouple ✨ have?
BookloverCouple ✨ (@booklovercouple) has 1.2K subscribers on Telegram, refreshed roughly every 30 minutes.
Does BookloverCouple ✨ know I viewed it here?
No. Public channel previews carry no viewer identity, and TGViewer has no accounts or tracking of what you look up.
