Navbatdan tashqari attestatsiyada ishtirok etish uchun ariza topshirgan pedagoglarga arizalarini qaytarib olish bo‘yicha ko‘rsatmalar berilayotgani haqida xabarlar tarqalmoqda.
Shuningdek, arizasini qaytarib olmagan yoki malaka toifa test sinovlarida yetarli ball to‘play olmagan pedagoglar bilan mehnat shartnomasi bekor qilinishi mumkinligi haqida ogohlantirish berilib, ularga turli bosimlar o‘tkazilayotgani aytilmoqda.
Masalan, Andijon viloyati Maktabgacha va maktab ta’limi boshqarmasi tomonidan kafolat xati namunalari tayyorlanib, muassasa rahbarlariga yetkazilmoqda.
“Men sizlarga taqdimotda har biringizga tushuntirgandim, KPI borasida, attestatsiya borasida, toifa borasida, o‘zingiz ishongan, bilimiga ishongan, o‘zingiz testdan o‘tkazgan xodimlaringiznigina platformaga kiritinglar, ariza topshirtiringlar, deb.
Boshqarma boshlig‘i tomonidan o‘tkazilgan demo testda umuman ball to‘play olmagan xodimlar bor, sharmanda. Shularning hozir hammasini birma-bir arizasini kirgizib, platformadan o‘chirtirasizlar", - deyiladi boshqarma xodimi tomonidan yuborilgan audioxabarda.
Tahririyatda yuqoridagi holatlar aks etgan audio va videoyozuvlar mavjud. Mazkur holat qonunchilikka mutlaqo zid hisoblanadi. Shu sababli, Maktabgacha va maktab ta’limi vazirligi holat bo‘yicha rasmiy izoh berishi zarur, deb hisoblaymiz.
Batafsil — https://xalqtaliminfo.uz/post/1556
Ta'limga oid eng so‘nggi yangiliklarni @xalqtaliminfo'da kuzatib boring.
Telegram l Instagram l YouTube