🔫 15 кастрычніка 1942 года ў 🤱Кобрыне нацысты расстралялі двух каталіцкіх святароў — пробашча Яна Вольскага і вікарыя Уладзіслава Грабельнага.

✡️ 🖤 Іх пакаралі за актыўную дапамогу мясцовым габрэям, у тым ліку за нелегальную выдачу пасведчанняў пра хрышчэнне. Незадоўга да ліквідацыі Кобрынскага гета восем дзяцей знайшлі прытулак у падвале пад рызніцай касцёла — гэты падвал захоўваецца і сёння.

9 кастрычніка інфарматар данёс уладам, і беларуская калабарацыйная паліцыя схапіла двух святароў разам з дзецьмі, якіх яны хавалі. Яна Вольскага і Уладзіслава Грабельнага змясцілі ў мясцовую турму на вуліцы Брэсцкай, а дзяцей, верагодна, вярнулі за калючы дрот гета. Іх лёс быў прадвызначаны, таму караць за ўцёкі не сталі. Святароў жа 15 кастрычніка расстралялі.