📸 7 кастрычніка 1900 года памёр адзін з кіраўнікоў паўстання 1863-64 гг., адзін з першых фатографаў у нашых краях і ўраджэнец Брэстчыны — Уладзіслаў Малахоўскі.

Нарадзіўся 26 траўня 1827 года ў маёнтку Мацы (сёння аднайменная вёска 🤱 Кобрынскага раёна Брэсцкай вобласці).

Пачаў навучанне ў школе ў 🐍Пружанах, пасля адукацыю працягваў у 🕊Драгічыне. Скончыў 🦬Свіслацкую гімназію, Пецярбургскі інстытут інжынераў шляхоў зносін.

Адзін з кіраўнікоў партыі «чырвоных», найбліжэйшы памочнік К. Каліноўскага. Паўстанцкі начальнік Вільні. Наладжваў сувязі з рускімі рэвалюцыянерамі, з арганізацыяй «Зямля і воля».

Пасля задушэння паўстання ў эміграцыі. Набыў шырокую вядомасць шэрагам вынаходак у галіне фотатэхнікі, у 1875 г. сканструяваў фотаапарат са скручанай касетай, які спецыялісты лічаць прататыпам «Кодака».

Апошнія гады жыў у швейцарскай Жэневе пад псеўданімам Леон Варнэрке. Па распаўсюджанае версіі — застрэліўся сам у адным з гатэляў Жэневы, следства не здолена знайсці прычыну самазабойтва.