🚗 У Польшчы, кіроўца ўцёк з памежнага кантролю і зладзіў пагоню. Ён ехаў з Беларусі

22-гадовы жыхар Беластоку ўехаў у Польшчу з боку Беларусі праз пераход у Баброўніках, але не дачакаўся завяршэння праверкі і рвануў у бок Беластоку.

Паліцыя кінулася ў пагоню. Кіроўца ехаў супраць руху, абганяў на «зебры» і выехаў на тратуар з пешаходамі. У выніку яго затрымалі, пазбавілі пасведчання і перадалі Памежнай службе.