Беларускі Дом

🤩Новыя кантакты, карысныя веды і цёплая атмасфера — усё ў адной сустрэчы!

4 кастрычніка запрашаем былых палітвязняў і палітычна рэпрэсаваных асобаў на сустрэчу з цыклу «Коўчынг, развіццё, падтрымка». Гэта магчымасць выйсці з дому, пазнаёміцца з новымі людзьмі, атрымаць практычную інфармацыю для жыцця ў Польшчы і проста добра правесці вечар разам. Фармат такіх сустрэч ужо задуманы як спалучэнне ведаў, падтрымкі і знаёмстваў.

Гэтым разам пагаворым пра асабістыя фінансы ў Польшчы: як лепш кіраваць бюджэтам, карыстацца польскім банкінгам, эканоміць без лішняга стрэсу і абараняць сябе ад махлярства. Сустрэчу правядзе Аляксей Бурносенка — бізнес-трэнер і коуч з больш чым 25-гадовым досведам.

🗓 4 кастрычніка, 17:00–20:00
📍 Беларускі Дом, ul. Kryniczna 6
💚 Удзел бясплатны, па папярэдняй рэгістрацыі ТУТ.

А пасля — супольная вячэра, размовы і час разам у амаль хатняй атмасферы.
Прыходзьце не толькі па веды, але і па новыя знаёмствы, падтрымку і адчуванне супольнасці.

🌿 Запрашаем на чацвёртую сустрэчу Клуба псіхалагічнай падтрымкі для жанчын у Беларускім Доме!

🗓 1 кастрычніка (чацвер), 18:00
📍 Беларускі Дом у Варшаве, ul. Kryniczna 6
💚 Удзел бясплатны па папярэдняя рэгістрацыі

Гэтым разам будзем размаўляць на тэму: «Стварэнне сваёй бяспечнай прасторы: унутраныя і вонкавыя апоры ў эміграцыі»

На сустрэчы разам з псіхолагам мы:
🔸 пагаворым пра тое, што такое псіхалагічная бяспека і чаму ў эміграцыі яе часта не хапае;
🔸 разбяром, чым адрозніваюцца вонкавыя апоры ад унутраных;
🔸 створым уласную «карту апор» і паглядзім, што ўжо дапамагае нам адчуваць сябе больш устойліва;
🔸 падзелімся ідэямі, як зрабіць новае жыллё і новае асяроддзе больш «сваімі»;
🔸 пагаворым пра тое, як заўважаць уласны досвед «я змагла» і выкарыстоўваць яго як крыніцу сілы;

Не ўсё ў новым жыцці мы можам зрабіць прадказальным. Але можам паступова ствараць вакол сябе і ўнутры сябе тое, што дае адчуванне: тут я магу выдыхнуць, быць сабой і адчуваць апору.

Запрашаем на інфармацыйную сустрэчу ў Беларускім Доме!

🏥 Тэма сустрэчы: Лячэнне і медыцынская дапамога замежнікам у Польшчы
🗓 26 верасня, 12:00
📍 Беларускі Дом, ul. Kryniczna 6
💚 Удзел бясплатны

Як працуе польская сістэма аховы здароўя? Калі можна звярнуцца да ўрача бясплатна? Як карыстацца NFZ і што рабіць, калі ўзнікаюць праблемы? Пра гэта можна будзе даведацца не з інтэрнэту, а непасрэдна ад спецыялісткі NFZ — і задаць свае пытанні.

Гэта першая з нашых інфармацыйных сустрэч, якія мы ладзім, каб беларусам было прасцей разбірацца ў паўсядзённым жыцці ў Польшчы. Мы запрашаем польскіх спецыялістаў, якія непасрэдна працуюць у адпаведных установах і арганізацыях, — каб вы маглі атрымаць практычную інфармацыю з першых рук.

🌿 Запрашаем на трэцюю сустрэчу Клуба псіхалагічнай падтрымкі для жанчын у Беларускім Доме!

🗓 24 верасня (чацвер), 18:00
📍 Беларускі Дом у Варшаве, ul. Kryniczna 6
💚 Удзел бясплатны па папярэдняя рэгістрацыі

Гэтым разам будзем размаўляць на тэму: «Ці можна кіраваць сваімі пачуццямі?»

«Не нервуйся», «не злуйся», «не бойся», «думай пазітыўна» — напэўна, кожная з нас хоць раз чула такія парады. Але ці можам мы насамрэч вырашыць, што адчуваць? І што рабіць з эмоцыямі, калі яны становяцца занадта моцнымі? Гэтыя пытанні асабліва важныя ў перыяды вялікіх жыццёвых змен. Вымушаная эміграцыя, страты, адаптацыя да новай краіны і нявызначанасць могуць выклікаць самыя розныя перажыванні — ад страху і разгубленасці да злосці, смутку ці бездапаможнасці.

Не трэба ўмець «кантраляваць» усе свае пачуцці. Значна важней навучыцца іх заўважаць, разумець і ведаць, як падтрымаць сябе, калі становіцца цяжка.

🌿 Выйсці з дому. Пазнаёміцца. Пагаварыць. Даведацца нешта новае. Проста пабыць разам.

🗓 20 верасня, 17:00–20:00
📍 Беларускі Дом, ul. Kryniczna 6
💚 Удзел бясплатны, па папярэдняй рэгістрацыі.

20 верасня запрашаем былых палітвязняў на трэцюю сустрэчу з цыклу «Коўчынг, развіццё, падтрымка».

Гэтым разам будзем гаварыць пра тое, як стаць «сваім» у новым асяроддзі, лягчэй заводзіць знаёмствы і будаваць давер у Польшчы. Будзе не толькі тэорыя, але і шмат практыкі, жывых размоў і знаёмстваў.

А пасля — 🍕 супольная вячэра і нефармальныя размовы.

Часам самае важнае — проста не заставацца аднаму. Прыйсці, сустрэць новых людзей, абмяняцца досведам і правесці вечар у добрай кампаніі. Далучайцеся!

⚡️ Беларускі Дом працягвае падтрымліваць вызваленых палітвязняў

Мы можам аказаць аднаразовую фінансавую дапамогу людзям, якія былі вызваленыя з месцаў пазбаўлення волі па палітычных матывах.

Хто можа звярнуцца па дапамогу?
🔹 Вызваленыя палітвязні, якія маюць дакументы, што пацвярджаюць іх статус.

Як падаць заяўку?
📩 Напішыце нам на repressions@belaruskidom.eu і далучыце дакументы, неабходныя для пацвярджэння статусу.

🤝 Калі вам патрэбная падтрымка — звяртайцеся. Каманда Беларускага Дома побач і гатовая дапамагчы.

Ужо ў гэты чацвер адбудзецца чарговая сустрэча жаночага псіхалагічнага клуба ў Беларускім Доме! Далучайцеся!

🤍 Тэма другой сустрэчы — "Мае моцныя бакі, пра якія я часам забываю — праца з унутранымі рэсурсамі".

🌱 На сустрэчы мы:
- даследуем свае моцныя бакі і ўнутраныя рэсурсы;
- пагаворым пра тое, што дапамагае нам пераадольваць цяжкасці;
- навучымся заўважаць уласныя поспехі і падтрымліваць сябе без жорсткай самакрытыкі;
- падзелімся вопытам і атрымаем падтрымку ў бяспечнай атмасферы;
- створым сімвалічны вобраз сваіх рэсурсаў, каб захаваць з імі сувязь і лягчэй успамінаць пра іх у складаныя моманты.

🗓10 верасня (чацвер), 18:00
📍 Беларускі Дом у Варшаве, ul. Kryniczna 6
💚 Удзел бясплатны, але неабходная папярэдняя рэгістрацыя
🔗 Рэгістрацыя - ТУТ

Працягваем цыкл «Коўчынг, развіццё, падтрымка» для былых палітвязняў.

На другой сустрэчы будзем гаварыць пра тое, што здараецца амаль у кожнай працы і камандзе — канфлікты, крытыку і складаныя размовы.

🗓 13 верасня, нядзеля
🕔 17:00–20:00
📍 Беларускі Дом у Варшаве, ul. Kryniczna 6
🙋 Удзел бясплатны, толькі па папярэдняй рэгістрацыі.

💬 Тэма трэнінгу:
«Анатомія канфлікту: як спрачацца і заставацца калегамі». Як сказаць пра памылку так, каб размова не ператварылася ў сварку? Як абараніць сваю пазіцыю без агрэсіі? І як даваць зваротную сувязь так, каб яна сапраўды дапамагала, а не раніла?

💙Але гэты цыкл — не толькі пра навучанне. Для нас важна, каб Беларускі Дом заставаўся месцам, дзе можна пазнаёміцца, адчуць падтрымку, падзяліцца досведам і паступова будаваць сваё новае жыццё ў Польшчы.

🤝Таму пачнем з інтэграцыйнай часткі, а пасля трэнінгу застанемся на супольную вячэру і нефармальныя размовы.

🤍Перыяды вялікіх жыццёвых змен, стрэсу і вымушанай эміграцыі часта прымушаюць нас сумнявацца ў сабе. Здаецца, што сіл ужо не засталося, а ўсё, што калісьці добра атрымлівалася, больш не працуе. Але нават у самыя складаныя часы нашы моцныя бакі нікуды не знікаюць. Часам яны проста адыходзяць у цень пад цяжарам стомы, трывогі і неабходнасці кожны дзень спраўляцца з новымі выклікамі.

Запрашаем вас на бясплатную групу падтрымкі для жанчын у Беларускім Доме, дзе мы звернем увагу на тое, што ўжо ёсць у кожным з нас, але часта застаецца незаўважаным.

Тэма другой сустрэчы — "Мае моцныя бакі, пра якія я часам забываю — праца з унутранымі рэсурсамі".

🗓10 верасня (чацвер), 18:00
📍 Беларускі Дом у Варшаве, ul. Kryniczna 6
💚 Удзел бясплатны, але неабходная папярэдняя рэгістрацыя. Колькасць месцаў абмежаваная.
🔗 Рэгістрацыя - ТУТ

❗️ Беларускі Дом запрашае на бясплатны офлайн-курс польскай мовы ў Варшаве на ўзровень В1/В2!

🔹 Курс, у першую чаргу, накіраваны на асобаў, якія вымушана з'ехалі з Беларусі ў Польшчу па палітычных прычынах, былых палітвязняў. Цягам 2-х месяцаў вы будзеце вывучаць граматыку польскай мовы, актуальную лексіку, звязаную з паўсядзённым жыццём.

🔹 Курс складаецца з 15 лекцый па 90 хв. Наведванне ўсіх заняткаў абавязковае. Навучанне будзе адбывацца 2 разы на тыдзень (панядзелак+серада у 17:00 і ў 18:30 у Беларускім Доме).

На першым занятку адбудзецца тэставанне ўзроўня ведаў польскай мовы, каб дакладна вызначыцца з групай.

🔗 Каб трапіць у спіс жадаючых на бясплатны курс польскай мовы, трэба запоўніць АНКЕТУ.

📩Мы звяжамся з адабранымі кандыдатамі праз email. Правярайце сваю пошту і спам, куды можа трапіць наш ліст.

🌿 Запрашаем на першую сустрэчу з цыклу "Коўчынг, развіццё, падтрымка" для былых палітвязняў!

🗓 30 жніўня (нядзеля), 17:00–20:00
📍 Беларускі Дом у Варшаве, ul. Kryniczna 6
🙋 Удзел бясплатны, толькі па папярэдняй рэгістрацыі.

Разам пагаворым пра мастацтва «размоў ні пра што», якія вырашаюць усё.
💬 Ці можа размова пра надвор’е прынесці больш карысці, чым ідэальнае рэзюмэ? У Польшчы small talk — гэта не проста ветлівая балбатня, а важны інструмент для знаёмстваў, наладжвання кантактаў і інтэграцыі ў новае асяроддзе.

👨‍🏫 Вядучы — Аляксей Бурносенка, карпаратыўны кансультант, бізнес-трэнер і коуч з больш чым 25-гадовым досведам у сферы камунікацыі, публічных выступаў і перамоваў.

🍕 А пасля трэнінгу — супольная вячэра і нефармальныя размовы. Гэта будзе час пазнаёміцца, падзяліцца досведам і проста пабыць разам у цёплай атмасферы.

Далучайцеся — будзем вучыцца размаўляць так, каб «размовы ні пра што» адкрывалі новыя магчымасці!

🌿 Запрашаем на першую сустрэчу новага цыклу Клуба псіхалагічнай падтрымкі для жанчын у Беларускім Доме!

🗓 27 жніўня (чацвер), 18:00
📍 Беларускі Дом у Варшаве, ul. Kryniczna 6
💚 Удзел бясплатны, але неабходная папярэдняя рэгістрацыя. Колькасць месцаў абмежаваная.
🔗 Рэгістрацыя - ТУТ

Гэта першая з 8 сустрэч Клуба псіхалагічнай падтрымкі для жанчын, якія пройдуць у Беларускім Доме.

🏠 Тэма першай сустрэчы — «Дзе зараз мой дом? Пошук адчування прыналежнасці да новай краіны». Для многіх беларусак пераезд стаў не марай і не загадзя прадуманым планам, а вымушаным крокам.

Дзе цяпер мой дом? Што дапамагае адчуць новае месца сваім? Як будаваць новае жыццё і пры гэтым не губляць сувязі з сабой і тым, што для мяне важна? Менавіта пра гэта будзем гаварыць падчас сустрэчы.

🌿 Наш клуб — гэта не толькі група падтрымкі, але і жаночае кола, якое мы будзем ствараць разам. Месца, дзе можна быць пачутай, знайсці падтрымку, лепш зразумець сябе і проста пабыць сярод сваіх.

🙌 У Беларускім Доме ў Варшаве зноў можна атрымаць бясплатныя індывідуальныя псіхалагічныя кансультацыі для рэпрэсаваных беларусак і беларусаў.

Калі вы перажылі затрыманне, палітычны пераслед або вымушаную эміграцыю, не заставайцеся сам-насам са сваімі перажываннямі. Псіхалагічная падтрымка можа дапамагчы прайсці праз гэты складаны перыяд.

Па дапамогу могуць звярнуцца:
▪️ людзі, якія адчуваюць траўму пасля затрыманняў і вымушанага пераезду ў Польшчу;
▪️ былыя палітвязні;
▪️ родныя і блізкія палітвязняў.

Кансультацыі прадастаўляюцца бясплатна асобам, якія могуць пацвердзіць факт рэпрэсій.

📍 Сустрэчы праходзяць у сядзібе Беларускага Дома ў Варшаве. Колькасць месцаў абмежаваная. Каб пакінуць заяўку, запоўніце анкету.

🙏🏻Калі ведаеце чалавека, якому гэтая падтрымка можа быць патрэбная, падзяліцеся з ім гэтай публікацыяй.

⚡️ Беларускі Дом падтрымлівае вызваленых палітвязняў!

🇨🇿Дзякуючы падтрымцы ураду Чэхіі (у супрацоўніцтве з Амбасадай Чэхіі ў Польшчы) Беларускі Дом можа аказаць аднаразовую фінансавую дапамогу вызваленым палітвязням.

Хто можа атрымаць падтрымку?
🔹 Вызваленыя палітвязні, якія могуць пацвердзіць свой статус адпаведнымі дакументамі.

Як звярнуцца?
📩 Напішыце на электронную пошту repressions@belaruskidom.eu і далучыце неабходныя дакументы.

🤝 Вы не адны. Мы побач і гатовыя дапамагчы!

⏺12 ліпеня ў Варшаве Рух беларускіх нацыяналістаў арганізаваў Вайсковую імпрэзу, прысьвечаную ўгодкам Грунвальдзкай бітвы і бою пад Лісічанскам. Сустрэча прайшла ў «Беларускім доме» і сабрала поўную залю ўдзельнікаў.

📸 Больш фота з Вайсковай імпрэзы ў Інстаграм пасьце ці Фэйсбук пасьце РУХУ.

Імпрэза аб'яднала ў сабе дзьве важныя падзеі з мінулага і сучаснасьці. 15 ліпеня 1410 году адбылася Грунвальдзкая бітва – адна з самых значных перамогаў у нашай гісторыі. У той бітве беларусы, палякі, літоўцы і ўкраінцы разам разьбілі магутны Тэўтонскі ордэн. А чатыры гады таму, 26 чэрвеня 2022 году, ва Ўкраіне адбыліся трагічныя падзеі пад Лісічанскам. У тым баі гераічна загінулі чатыры беларускіх добраахвотнікі Палку Каліноўскага – Іван Марчук «Брэст», Васіль Парфянкоў «Сябро», Васіль Грудовік «Атам» і Вадзім Шатроў «Папік». Двое ваяроў – Ян Дзюрбейка «Тромблі» і Сяржук Дзёгцеў «Клешч» трапілі ў палон, дзе знаходзяцца дагэтуль.

Першая палова вечара пачалася ва двары «Беларускага дому», фасад якога быў упрыгожаны беларускім, польскім, літоўскім і ўкраінскім сьцягамі. Пасьля ўступнага слова вядоўцы імпрэзы Марыны Савіцкай да прысутных зьвярнуўся дактарант Варшаўскага ўніверсітэту Аляксандар Ражкоў. Ён распавёў пра зброю эпохі Вялікага Княства Літоўскага, у тым ліку часоў Грунвальду. Пасьля гэтага пачалася інтэрактыўная частка, дзе ўдзельнікі змаглі адчуць сябе сярэднявечнымі ваярамі. Усе ахвочыя змаглі ўзяць у рукі зброю і зладзіць сапраўдныя бойкі на мячах. У працяг былі аб'яўленыя спаборніцтвы па стральбе з луку па тэматычных мішэнях, аздобленых выявамі тэўтонскіх рыцараў. Самыя трапныя ўдзельнікі атрымалі памятныя прызы на тэматыку ВКЛ. Усё гэта суправаджалася выступам дудара, які граў для прысутных.

У другой палове вечара ўдзельнікі перамясціліся ў залю «Беларускага дому». Імпрэзу працягнуў сябра Рады РУХУ і былы кіраўнік «Паспалітага рушэньня» Сяржук Кедышка, які больш падрабязна распавёў пра Грунвальд, а таксама паразважаў пра значэньне бітвы ў нашым мінулым і сучаснасьці. У музычнай частцы сустрэчы выступіла маладая сьпявачка «Safijka». У яе выкананьні прагучалі «Гэй Літвіны» – кавер на гурт «Zenon», «Я сын таго краю» на словы Алеся Змагара (Аляксандра Яцэвіча) і аўтарская песьня «Цень героя», прысьвечаная абаронцам Украіны.

У наступнай частцы імпрэзы былі ўзгаданыя падзеі бою пад Лісічанскам. Вядоўца Марына Савіцкая аб'явіла хвіліну маўчаньня ў памяці аб загінулых героях. Пасьля гэтага да прысутных зьвярнуўся былы ваяр батальёну «Волат» Палку Каліноўскага, кіраўнік фундацыі «Крывічы» Уладзімер Лаўранюк. У сваім выступе ён прыгадаў, якімі былі «Брэст», «Сябро», «Атам», «Папік», «Тромблі» і «Клешч», а таксама распавёў розныя гісторыі пра іх. Пасьля гэтага быў паказаны новы фільм, прысьвечаны бою пад Лісічанскам, выпушчаны Палком Каліноўскага да чацвёртай гадавіны падзеі. А скончылася Вайсковая імпрэза нагадваньнем пра праект РУХУ «VajarDruk». У прыватнасьці былі прэзентаваныя спосабы дапамогі і ўдзелу ў праекце. Бліжэйшым часам уся падрабязная інфармацыя таксама зьявіцца ў нашых сацсетках.

| Далучыцца🔝 | Дапамога🤝 | Чат-бот📝 | Тэлеграм📩 | Інстаграм🕊 | Фэйсбук😎 | BuyMeaCoffee☕️|

🤩 Беларусь перадусім! 🤩