Дунёнинг энг йирик космос тадбири - Халқаро астронавтика конгрессининг очилиш маросимида Ал-Хоразмий, Ал-Беруний, Ал-Фарғоний, Мирзо Улуғбек ва Али Қушчи номларининг ёдга олиниши юртдошларимиз учун катта ғурур бағишлаши аниқ!

Яқинда Балиқчи туманидаги айтишник йигитимизнинг “оддий бир туманнинг йигити бўла туриб, шундай Стартап қилдим” деган сўзларига ҳурматли Президентимизнинг “йўқ, сиз оддий туман йигити эмас, Ал-Хоразмийлар, Берунийлар авлодисиз!” деб айтган гапларининг мазмуни нақадар муҳимлигини ушбу очилиш жараёнидаги видеолавҳани кўрганингиздан кейин яна бир бор тўлиқ англайсиз.

Нафақат очилиш жараёнидаги лавҳада, балки Туркия Президентининг маърузасида, Туркия саноат ва технологиялар вазири нутқида ҳам ушбу олимларимизнинг тарихий ролига алоҳида урғу берилди. Туркиянинг космик компаниясига Ал-Фарғоний номи берилгани ҳам қўшимча эътирофдир.

Президентимиз ёшларимизнинг ушбу аждодларимизга мос авлод бўлиб ўсишлари учун нафақат доимо мотивация беришга ҳаракат қилмоқдалар, балки ёшларимизга яратилаётган имкониятларни кун сайин кенгайтирмоқдалар.

Ёшларимиз фақат беҳуда ишлар билан чалғимасдан, кўпроқ вақтларини замонавий касблар ва чет тилларини ўрганишга ҳамда кўпроқ инсонлар ҳаётини яхшилайдиган стартаплар яратишга сарфласалар бўлди:

- Сунъий интеллект бўйича Coursera орқали замонавий касблар ўрганиш учун: aileaders.uz

- Стартапни ривожлантириш учун: startupbase.uz