Ўзбекистон август ойида иккинчи энг йирик олтин харидорига айланди

Жаҳон олтин кенгашининг маълум қилишича, Ўзбекистон Марказий банки жорий йилнинг август ойида 8 тонна олтин харид қилган.

Ушбу кўрсаткич билан мамлакат Хитойдан кейин иккинчи энг йирик олтин харидорига айланди. Хитой ушбу ойда 20 тонна олтин сотиб олган.

Умуман олганда, Ўзбекистон жорий йилнинг дастлабки саккиз ойида 50 тонна олтин харид қилиб, бу кўрсаткич бўйича учинчи энг йирик олтин харидори бўлиб турибди.

Биринчи ва иккинчи ўринларни мос равишда Польша (98 тонна) ҳамда Хитой (80 тонна) эгаллаган.

@bankir