Trampın ailə dəyərlərini bolüşənlərə aldanmayın!

Mən Azərbaycan xalqının kimliyi haqqında bir kitab üzərində işləmişəm. Kitabda kəlağayı ilə bağlı da qısa bir araşdırmaya yer vermişəm.
Kəlağayı yerli ornamentləri və estetik zövqü özündə daşıyan İslami qadın örtüklərimizdən biridir. Tarixən kəlağayıdan daha çox ev daxilində, ailə və şənlik məclislərində, eləcə də müxtəlif mərasimlərdə istifadə olunub. Küçədə və ictimai məkanda, xüsusilə şəhər mühitində isə çadra geniş istifadə olunub.
Buna görə də kəlağayı ilə çadranı bir-birinə qarşı qoymaq tarixi və mədəni baxımdan savadsız yanaşmadır. Həm kəlağayı, həm də çadra müxtəlif formalarda Azərbaycan qadınının geyim və örtünmə mədəniyyətinin bir hissəsi olub. Biri digərini inkar etmir.
Bu gün kəlağayını çadraya qarşı ideoloji silaha çevirmək isə mənə Siffeyn hadisəsində Quran səhifələrinin nizələrə qaldırılmasını xatırladır, müqəddəs bir dəyər başqa bir dəyərə qarşı vasitəyə çevrilir. Kəlağayı ilə çadranı vuranlar, nizəyə Quran taxaraq İmam Əliyə (ə) qarşı çıxanların törəmələridir.
Kəlağayı da bizimdir, çadra da. Birini qorumaq adı ilə digərini düşmən elan etmək hiylədir, xəyanətdir.

Orxan Məmmədov

https://t.me/qaf_simurq