⚡️MSTİM və Serbiyanın Hərbi-Texniki İnstitutu arasında görüş keçirilib

Müdafiə Sənayesi Tədqiqat və İnnovasiya Mərkəzinin (MSTİM) İdarə Heyətinin sədri Orxan Yusibovun rəhbərlik etdiyi nümayəndə heyəti Serbiyanın Belqrad şəhərində Hərbi-Texniki İnstitutun (Military Technical Institute – MTI) nümayəndələri ilə görüş keçirib.

Görüş çərçivəsində MTI-nin hüquqi strukturu və fəaliyyət istiqamətləri barədə geniş məlumat əldə olunub. Həmçinin institutun laboratoriyaları və sınaq mərkəzləri ilə ətraflı tanışlıq keçirilib.

Tərəflər arasında gələcək əməkdaşlıq perspektivləri və birgə fəaliyyət imkanları, qarşılıqlı təcrübə mübadiləsinin genişləndirilməsi məsələləri müzakirə olunub.

Qeyd edək ki, MTI Serbiyanın Müdafiə Nazirliyinin tabeliyində fəaliyyət göstərən hərbi elmi-tədqiqat müəssisəsidir. 1948-ci ildə Belqradda yaradılan institut müdafiə və aerokosmik sahələrdə tədqiqat və inkişaf fəaliyyəti həyata keçirir, yeni silah sistemlərinin hazırlanması, eləcə də mövcud hərbi texnikanın modernləşdirilməsi istiqamətində fəaliyyət göstərir.

#Serbiya
#Azərbaycan

Abunə olun 🟢 Ar-Rad GA