Boraymi yoki bormaymi deb o'ylanayotgan bo'lsangiz, boring! Chunki shu paytgacha borganimdan afsuslandim degan talabani ko'rmadik.

Masalan biz borganimizda, Italiya bo'ylab sayohat qildik. Path of Gods, biz hiking qilgan joylar ichidagi eng chiroyli joy bo'lgan edi. Sorrento biz cho'milgan joylar ichidagi eng chiroyli joylardan biri bo'lgan.

Yevropa bo'ylab kruizda sayohat qildik. Port shunchalik yaqin ediki, kruizga chiqish uchun, darsdan chiqib tramvayda borgan edik.

O'zbekistonlik talabalar har hafta yig'ilib, nimadir pishirib, ertalabdagi poezd ketishigacha Catan o'ynar edik. Rim, Venetsiya va boshqa shaharlarga birga sayohat qilgan edik.

Ha, ko'chalarida ahlat yigishtirilmay yotishi mumkin, lekin napoliliklar ko'ngli ochiq insonlar. Jinoyat darajasi internetda yozilganday u darajada yuqori emas.

Akademiya to'lagan stipendiya bizning hamma harajatlarimizni to'liq qopladi, ortib ham qolgan edi. Akademiya taqdim etgan qurilmalarni hozirda ham ishlatmoqdamiz.

Boring, afsuslanmaysiz!