2024/2025 yilda o'qiydigan talabalarga maslahatlarimiz:
💉 Italiyaga kelishdan oldin, to'liq tibbiy ko'rikdan o'ting. Ayniqsa tishlaringizni tekshirtiring, kerak bo'lsa ularni davolating. Chunki WAItaly kabi tibbiy sug'urtalar tishni davolashni qoplamasligi mumkin va bir tishni davolatish uchun 350 EUR sarflaysiz.
🏠 Uy-joyni akademiyaga yaqin joydan topishga harakat qiling. Yo'lga ketadigan vaqtingizni va oyiga 40 EUR pulingizni tejaysiz. Uzoqroqdan uy-joy topsangiz metroning Linea 2 yo'nalishi bekati yaqinida topishga harakat qiling.
🚌 Sayohat qiling. Italiyada sayohat qilish uchun joy juda ko'p. Italiyada hatto qishda ham sayohat qilsa bo'ladi, chunki Italiyada qishda nisbatan iliq ob-havo bo'ladi, bu paytda turistlar kamroq bo'ladi va chiptalar ham ancha arzon bo'ladi. Masalan, Itabusda Rimga chipta 1 EURdan boshlanadi. Kruizda 368 EURdan sayohat qilsa bo'ladi. Christmasga 2 haftalik ta'til beriladi va bu vaqt sayohat qilish uchun zo'r imkoniyat. Imkoniyat bo'lganda sayohat qiling, keyinga qoldirsangiz, vaqt qanday o'tib ketganini bilmay qolasiz.
📖 Keyingi yillardagi Pier va ARTE dasturlariga qabul qilinish uchun akademiyadagi loyihalarda faol qatnashing. Future Fairda ish topishning ehtimolini oshirish uchun akademiyadan tashqari iOS dasturlashni chuqur o'rganing va o'z ustingizda ishlang.
Hammaga omad tilaymiz!