Qubada avtomobilin vurduğu 13 yaşlı məktəbli həyatını itirib

APA-nın Şimal bürosunun məlumatına görə, sentyabrın 30-da Qubanın Bəhrəli kəndində yolu keçmək istəyən 13 yaşlı Gülay Pirmuradovanı avtomobil vurub.

Ağır xəsarətlər alan məktəbli Quba Rayon Mərkəzi Xəstəxanasına yerləşdirilib və reanimasiya şöbəsində müalicəsi davam etdirilib.

Həkimlərin səylərinə baxmayaraq, Gülayın həyatını xilas etmək mümkün olmayıb.

O, Rəhman Məmmədov adına Çinarlı kənd tam orta məktəbinin 8-ci sinif şagirdi olub.