🏺 Cəlilabadda qədim yaşayış məskəni aşkarlanıb

🔹 Cəlilabad rayonunun Təklə kəndi ərazisində elmə ilk dəfə məlum olan yeni arxeoloji abidə – “Oğlantəpə” yaşayış məskəni aşkar edilib.

🔹 AMEA Arxeologiya və Antropologiya İnstitutunun ekspedisiyası tərəfindən aparılan araşdırmalar zamanı təpə üzərində yerləşən abidədə İlk Tunc dövrünə aid maddi mədəniyyət nümunələri aşkarlanıb.

🔹 Təxminən 20 metr hündürlüyündə olan “Oğlantəpə”də saxsı qab fraqmentləri, daşdan hazırlanmış əşyalar və digər arxeoloji nümunələr tapılıb.

🔹 Arxeoloqlar bildirirlər ki, abidənin öyrənilməsi Muğan bölgəsində qədim yaşayış məskənlərinin yayılma arealının müəyyənləşdirilməsinə imkan verəcək.