Korrupsiyaga qarshi kurashish agentligi

Davlat organlari va tashkilotlari qaysi maʼlumotlarni jamoatchilik uchun ochiq eʼlon qilishi shart?

Davlat organlari va tashkilotlari tomonidan Ochiq maʼlumotlar portali hamda o‘zlarining rasmiy veb-saytlarida Ochiq maʼlumotlar sifatida joylashtirilishi kerak bo‘lgan ijtimoiy ahamiyatga molik maʼlumotlar ro‘yxati tasdiqlangan.

Bugungi kunda ushbu ro‘yxatdan 43 turdagi maʼlumotlar o‘rin olgan. Masalan:

- mansabdor shaxslarning xizmat safarlari va xorijdan tashrif buyurgan mehmonlarni kutib olish xarajatlari;

- davlat idoralari tasarrufidagi xizmat avtomototransport vositalari, xizmat uylari va boshqa ko‘chmas mulklar;

- xarid komissiyasi aʼzolari va davlat xaridlari;

- bo‘sh ish o‘rinlar, ishga qabul qilish shartlari, nomzodlarga qo‘yiladigan talablar va taqdim qilinishi lozim bo‘lgan hujjatlar;

- hududlar kesimida “Haj” tadbirlariga borish uchun navbatda turgan ziyoratchilarning yagona onlayn navbati;

- davlat oliy taʼlim muassasalarining daromadlari, xarajatlari;

- mahalliy byudjetning sarflanishiga oid ko‘rsatkichlar;

- bolalarni davlat maktabgacha taʼlim tashkilotiga qabul qilish uchun berilgan arizalar navbati (ro‘yxati) to‘g‘risidagi maʼlumotlar va boshqalar.

Davlat organlari va tashkilotlarining axborot xizmatlari hamda murojaatlar bilan ishlash bo‘linmalariga ochiqlikka oid qonunchilik hujjatlarining ijro etilishini o‘z vaqtida va sifatli taʼminlash vazifasi yuklatilgan.

Korrupsiyaga qarshi kurashish agentligi davlat organlari va tashkilotlari faoliyatining ochiqligini taʼminlash sohasini muvofiqlashtiradi va doimiy monitoring qiladi.

Manba

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Korrupsiyaga qarshi kurashish agentligi fuqarolarning huquq hamda manfaatlarini himoya qilish, xalq bilan muloqotni kuchaytirish va murojaatlar bilan ishlash sifatini oshirishga alohida eʼtibor qaratib kelmoqda.

Xususan, joriy yilning 9 oyida Agentlikka jami 5926 ta murojaat kelib tushdi. Ularning 5857 tasi ko‘rib chiqildi, 69 tasi bo‘yicha ish jarayoni davom etmoqda.

Agentlikka qanday murojaat qilish mumkin?

Rahbariyatning shaxsiy qabuli qachon o‘tkaziladi va unda qanday ishtirok etish mumkin?

Ushbu savollarga javob olish uchun videoni tomosha qiling.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Buxoro viloyati yoshlari Aksilkorrupsiya yoshlar kvestida ishtirok etishga taklif etiladi!

Ikki kunlik interaktiv dastur yoshlarning halollik va korrupsiyaga qarshi kurashish bo‘yicha bilim hamda ko‘nikmalarini mustahkamlash, mas’uliyatini oshirish va fuqarolik faolligini kuchaytirishga qaratilgan.

Dastur doirasida:

31-oktabr — Bilimlar kuni. Korrupsiya, halollik, shaffoflik, fuqarolar huquqlari va yoshlarning korrupsiyaning oldini olishdagi roliga oid interaktiv mashg‘ulotlar;

1-noyabr — Interaktiv kvest kuni. Jamoaviy topshiriqlar, amaliy keyslar orqali korrupsiya xavflari va firibgarlik holatlarini aniqlash bo‘yicha bilim va ko‘nikmalar sinovdan o‘tkaziladi.

Kvest yakunida eng faol ishtirokchilar maxsus sovrinlar bilan taqdirlanadi.

Arizalar 2026-yil 20-oktabrga qadar qabul qilinadi.

Ro‘yxatdan o‘tish

Ishtirok etish shartlari va qo‘shimcha talablar

Tashkilotchilar: Korrupsiyaga qarshi kurashish agentligi, BMT Taraqqiyot Dasturi (UNDP), Yevropa Ittifoqi (YI), Germaniya xalqaro hamkorlik tashkiloti (GIZ) va O‘zbekiston Volontyorlar Assotsiatsiyasi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Xavf-xatarlarni aniqlashda ichki va tashqi axborot manbalari hamda 9 turdagi shubhali holat (keng diskretsion vakolatlar, mezonlarning aniq emasligi, bevosita muloqot, jarayonning muhim bosqichlari bir shaxsda jamlanishi, takroriy shikoyatlar va boshqalar) alohida tahlil qilinadi.

Baholashda 4 ta majburiy mezon inobatga olinadi:

➖korrupsiyaga oid huquqbuzarliklar statistikasi
➖murojaatlar va OAVdagi xabarlar;
➖jarayonning raqamlashganlik darajasi va inson omili taʼsiri;
➖jarayonning huquqiy tartibga solinganlik darajasi;

Xavf belgilari dalillar asosida oddiy, muhim va og‘ir toifalarga ajratiladi. Belgini tegishli toifaga kiritish statistika, murojaatlar, xizmat tekshiruvlari, ichki audit va axborot tizimlaridagi qaydlar bilan asoslantirilishi shart.

Xavf-xatar darajasi xavf belgilari asosida aniqlanadi:

▫️past – faqat oddiy xavf belgilari mavjud bo‘lganda;
▫️o‘rta – bitta muhim xavf belgisi mavjud bo‘lib, og‘ir xavf belgisi mavjud bo‘lmaganda;
▫️yuqori – kamida bitta og‘ir xavf belgisi yoki ikki va undan ortiq muhim xavf belgisi mavjud bo‘lganda.

Agentlik korrupsiyaga oid xavf-xatarlarni kamaytirish yoki bartaraf etish bo‘yicha chora tadbirlar dasturi ijrosini har yarim yilda kamida bir marta monitoring qiladi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Davlat organlari va tashkilotlari faoliyatida korrupsiyaga oid xavf xatarlarni aniqlash va baholash uslubiyoti tasdiqlandi.

Maqsad — davlat organlari va tashkilotlarida korrupsiyaga sabab bo‘luvchi omillarni oldindan aniqlash, xavf darajasini dalillar asosida baholash hamda ularni bartaraf etish choralarini belgilashdan iborat.

Korrupsiyaga oid xavf-xatarlarni aniqlash va baholashda quyidagilar ishlab chiqiladi:

- jarayonlar reyestri;
- korrupsiyaga oid xavf-xatarlar xaritasi;
- korrupsiyaga oid xavf-xatarlarni kamaytirish yoki bartaraf etish bo‘yicha chora tadbirlar dasturi;
- korrupsiyaga oid xavf-xatar yuqori bo‘lgan lavozimlar ro‘yxati;
- korrupsiyaga moyil bo‘lgan munosabatlar elektron reyestri;
- monitoring hisoboti.

Chora-tadbirlar dasturi va korrupsiyaga oid xavf-xatari yuqori bo‘lgan lavozimlar ro‘yxati “E-Anticor.uz” elektron platformasida jarayonlar reyestri hamda korrupsiyaga oid xavf-xatarlar xaritasidagi ma’lumotlar asosida avtomatik shakllantiriladi.

Baholash davlat organlari va tashkilotlarining markaziy apparati, hududiy va tarkibiy bo‘linmalarini qamrab oladi hamda maxsus bo‘linma yoki u mavjud bo‘lmaganda tarkibiy bo‘linmalar rahbarlaridan iborat ishchi guruh tomonidan amalga oshiriladi.

Baholashni tashkil etish va belgilangan choralar ijrosi uchun birinchi rahbar shaxsan javobgar hisoblanadi.

Baholash har yili 1-fevralga qadar o‘tkaziladi, xavf-xatarlar xaritasi va chora-tadbirlar dasturi 1-martga qadar “E-Anticor.uz” platformasi orqali Agentlik bilan kelishilgan holda tasdiqlanadi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Korrupsiyaga qarshi kurashish agentligi direktori o‘rinbosari UmidaTuxtasheva AQSH Davlat departamentining Narkotik moddalar va huquqni muhofaza qilish byurosi (INL) O‘zbekistondagi vakolatxonasi direktori Djonatan Uidonni qabul qildi.

Uchrashuvda O‘zbekistonda korrupsiyaga qarshi kurashish borasidagi islohotlar, Agentlik va INL hamkorligining amaliy natijalari hamda 2027-yilga mo‘ljallangan ustuvor vazifalar muhokama qilindi.

AQSH vakillari mamlakatimizda korrupsiyaning oldini olishga qaratilgan preventiv mexanizmlarni joriy etish borasidagi sa‘y-harakatlarni yuqori baholadi.

Tomonlar korrupsiya haqida xabar bergan shaxslarni himoya qilish mexanizmlarini takomillashtirish, IHTTning 5-raund monitoringi tavsiyalarini amalga oshirish va korrupsiyaviy xavf-xatarlarni baholash metodologiyasini ishlab chiqish bo‘yicha hamkorlikni kuchaytirish masalalarini ko‘rib chiqdi.

Shuningdek, O‘zbekistonning 2027-yilda BMTning Korrupsiyaga qarshi konvensiyasi ishtirokchi davlatlari konferensiyasiga mezbonlik qilishi munosabati bilan xalqaro tadbirga tayyorgarlik ko‘rish va uni yuqori saviyada o‘tkazishda xalqaro hamkorlikni mustahkamlash muhimligi ta‘kidlandi.

Yakunda muhokama qilingan taklif va tashabbuslar asosida hamkorlikni izchil davom ettirish va yangi yo‘nalishlarini rivojlantirishga kelishib olindi.

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Davlat xizmatchilari uchun ishdan tashqari vaqtda ham odob-axloq talablari belgilanganmi?

Davlat xizmatchilari ishdan bo‘sh vaqtlarida umumqabul qilingan axloq normalariga rioya qilishlari va ularga zid bo‘lgan xulq-atvor va xatti-harakatlardan o‘zlarini tiyishlari shart.

Jumladan, quyidagilarga majbur:

- dabdababozlik, shuhratparastlik, guruhbozlik, maishatbozlik, ichkilikbozlik va boshqa salbiy illatlarga yo‘l qo‘ymaslik;

- xizmat majburiyatlarini bajarish bilan bog‘liq bo‘lgan shaxslardan qimmatbaho sovg‘a olmaslik;

- xizmat avtotransport vositalaridan xizmat faoliyatidan tashqari holatlarda shaxsiy va boshqa maqsadlarda foydalanmaslik;

- tadbirkorlik yoki haq to‘lanadigan boshqa faoliyat bilan (pedagogik, ilmiy va ijodiy faoliyatdan tashqari) shug‘ullanmaslik;

- xizmat guvohnomasidan shaxsiy manfaatlar yo‘lida foydalanmaslik;

- ish faoliyati bilan bog‘liq maʼlumotlarni ishga aloqador bo‘lmagan boshqa shaxslar ishtirokida muhokama qilmaslik;

- shaxsiy transport vositalaridan foydalanishda belgilangan tartibga amal qilish, yo‘l harakati qoidalariga qatʼiy rioya etish.

Davlat xizmatchilari tomonidan Odob-axloq qoidalariga rioya etmaganlik holati ularga nisbatan axloqiy va intizomiy taʼsir choralarini qo‘llash uchun asos bo‘ladi.

Manba

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Mamlakatimizda bo‘lib turgan Moody’s Ratings xalqaro reyting agentligi vakillari hamda reyting konsultantlaridan iborat delegatsiya bugun Korrupsiyaga qarshi kurashish agentligi rahbariyati bilan uchrashdi.

“Moody’s” tomonidan O‘zbekistonning suveren kredit reytingini qayta baholash jarayoni doirasida tashkil etilgan mazkur muloqotda mamlakatda amalga oshirilayotgan korrupsiyaga qarshi islohotlar, ularning davlat boshqaruvi, biznes va investitsiya muhitiga ta’siri muhokama qilindi.

Agentlik direktori o‘rinbosari Umida Tuxtasheva O‘zbekistonda korrupsiyaga qarshi siyosat jazolashdan profilaktikaga bosqichma-bosqich o‘tayotgani haqida ma’lumot berdi.

“Moody’s” ekspertlari tomonidan korrupsiyaga qarshi kurashish sohasida amalga oshirilayotgan islohotlar ijobiy e’tirof etilib, ularning natijalarini baholash tartibi bo‘yicha istiqboldagi rejalarga alohida qiziqish bildirildi.

Uchrashuv yakunida xalqaro reytingni baholash uchun zarur ma’lumot va statistik ko‘rsatkichlarni taqdim etish borasida hamkorlikni davom ettirishga kelishib olindi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Korrupsiyaga oid jinoyatni sodir etishda aybdor deb topilgan shaxs haqidagi maʼlumotlar elektron reyestrga qachon kiritiladi?

Ichki ishlar vazirligi korrupsiyaga oid jinoyatlarni sodir etishda aybdor deb topilgan shaxslarga nisbatan ayblov hukmi (ajrim) qonuniy kuchga kirgan paytdan eʼtiboran uch ish kuni ichida elektron reyestrga shaxs haqidagi maʼlumotlarni kiritadi.

Elektron reyestrga kiritilgan shaxslarga nisbatan qanday cheklovlar belgilanadi?

- davlat xizmatiga kirish va davlat mukofotlari bilan taqdirlanish;

- saylanadigan va alohida tartibda tayinlanadigan lavozimlarga nomzodining ko‘rsatilishi;

- davlat organlari huzuridagi jamoatchilik kengashlari hamda idoralararo kollegial organlarning aʼzosi bo‘lish;

- o‘zi taʼsis etgan va (yoki) ustav fondidagi (ustav kapitalidagi) ulushining 50 foizidan ko‘proq qismiga o‘zi egalik qiladigan tadbirkorlik subyektlarining davlat xaridlarida va davlat-xususiy sheriklik to‘g‘risidagi bitimda ishtirokchi (ijrochi) sifatida qatnashish;

- davlat ulushi 50 foizdan yuqori bo‘lgan tashkilotlarda va davlat taʼlim muassasalarida rahbarlik lavozimlarida faoliyat yuritish.

Korrupsiyaga oid jinoyatlarni sodir etishda aybdor deb topilgan shaxslar elektron reyestri qaysi idora tomonidan yuritiladi?

Elektron reyestr Korrupsiyaga qarshi kurashish agentligi tomonidan Ichki ishlar vazirligi bilan hamkorlikda yuritiladi.

Manba
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Davlat organlari va tashkilotlarining, davlat ishtirokidagi korxonalarning komplayens va korrupsiyaga qarshi ichki nazorat tuzilmalari faoliyati to‘g‘risidagi namunaviy nizom tasdiqlandi.

Nizom bilan ichki nazorat tuzilmalari faoliyatini tashkil etish tartibi, ularning asosiy vazifalari, huquq va majburiyatlari belgilandi.

Komplayens nazorat tuzilmalarining maxsus elektron platformasida:
- ichki nazorat tuzilmalari rahbarlari va xodimlarining elektron reyestri yuritiladi;
- korrupsiyaga qarshi kurashish bo‘yicha amalga oshirilgan ishlar haqidagi hisobotlar kiritiladi;
- anonim so‘rovnomalar o‘tkazilib, natijalari jamoatchilikka eʼlon qilib boriladi.

Ichki nazorat tuzilmalari rahbarlari va xodimlarini lavozimga tayinlash ochiq va shaffof tanlovlar orqali amalga oshiriladi.

Ichki nazorat tuzilmalari xodimlari zimmasiga ularning vazifalaridan kelib chiqmaydigan topshiriqlar yuklatilishiga yo‘l qo‘yilmaydi.

Davlat organi va tashkiloti birinchi rahbarining korrupsiyaga oid huquqbuzarliklari alomatlari aniqlanganda yoki jinoiy guruh faoliyatiga rahnamolik qilayotgani haqida yetarli asoslar mavjud bo‘lganda:

- komplayens va korrupsiyaga qarshi ichki nazorat bo‘yicha o‘rinbosari Prezident Administratsiyasi Komplayens xizmati bilan kelishgan holda tegishli hujjatlar va maʼlumotlarni huquqni muhofaza qiluvchi organlarga to‘g‘ridan-to‘g‘ri taqdim etish;

- kadrlar masalasi va moliyaviy xarajatlar bo‘yicha boshqaruv qarorlarini qabul qilish huquqini vaqtincha to‘xtatish yoki tegishli rahbarni yoxud xodimni vazifasini bajarishdan vaqtincha chetlatish borasida taklif kiritish vakolatiga ega bo‘ladi.

Ichki nazorat tuzilmalari xodimlari davlat himoyasidadir. Ular qonunchilikda belgilangan tartibda huquqiy va ijtimoiy jihatdan himoya qilinadi.

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

O‘zbekiston Respublikasi Prezidentining tegishli farmoni va qarori bilan Ilxom Toxirovich Siradjev O‘zbekiston Respublikasi ta’lim va ilm-fan vazirining komplayens va korrupsiyaga qarshi ichki nazorat bo‘yicha o‘rinbosari lavozimiga tayinlandi va shu munosabat bilan O‘zbekiston Respublikasi Prezidenti Administratsiyasi Rahbarining ta’limni isloh qilish bo‘yicha o‘rinbosari lavozimidan ozod etildi.
—
Соответствующими указом и постановлением Президента Республики Узбекистан Сираджев Илхом Тохирович назначен на должность заместителя министра образования и науки по комплаенсу и внутреннему антикоррупционному контролю и в связи с этим освобожден от должности заместителя Руководителя Администрации Президента Республики Узбекистан по вопросам реформирования образования.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

O‘zbekiston Respublikasi Prezidenti Administratsiyasi Rahbarining farmoyishi bilan Bahodir Maxsutovich Yunusov O‘zbekiston milliy teleradiokompaniyasi raisining komplayens va korrupsiyaga qarshi ichki nazorat bo‘yicha o‘rinbosari lavozimiga tayinlandi va shu munosabat bilan O‘zbekiston Respublikasi Prezidenti Administratsiyasi Kommunikatsiyalar departamenti sho‘ba mudiri lavozimidan ozod etildi.
—
Распоряжением Руководителя Администрации Президента Республики Узбекистан Юнусов Баходир Махсутович назначен на должность заместителя председателя Национальной телерадиокомпании Узбекистана по вопросам комплаенса и внутреннего антикоррупционного контроля и в связи с этим освобожден от должности заведующего сектором Департамента коммуникаций Администрации Президента Республики Узбекистан.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

#Diqqat_tanlov
⚡️"O'zsuvtaminot" aksiyadorlik jamiyatining tizim tashkiloti hamda hududiy filiallaridagi Korrupsiyaga qarshi kurashish va komplayens nazorat xizmatidagi vakant lavozimlar uchun ochiq tanlovlar e'lon qilindi.

Lavozim majburiyatlari, talablar, tanlov bosqichlari va boshqa ma'lumotlar bilan batafsil quyidagi havolalar orqali tanishing:

▫️“Suvo‘lchagichxizmati” AJ

▫️"Buxoro suv ta'minoti" AJ

▫️"Qoraqolpoq suv ta'minoti" AJ

▫️ "Jizzax suv ta'minoti" AJ

▫️"Qashqadaryo suv ta'minoti" AJ

▫️"Navoiy suv ta'minoti" AJ

▫️"Namangan suv ta'minoti" AJ

▫️"Samarqand suv ta'minoti" AJ

▫️"Surxondaryo suv ta'minoti" AJ

▫️"Sirdaryo suv ta'minoti" AJ

▫️"Farg'ona suv ta'minoti" AJ

▫️"Xorazm suv ta'minoti" AJ

▫️"Andijon suv ta'minoti" AJ

▫️"Toshkent viloyati suv ta'minoti" AJ

▫️"Toshkent shahar suv ta'minoti" AJ

Eslatib o‘tamiz, Prezident qaroriga asosan huquqiy eksperiment tariqasida 5 ta idora, jumladan,"O'zsuvtaminot" aksiyadorlik jamiyatining korrupsiyaga qarshi kurashish bo‘linmasi Korrupsiyaga qarshi kurashish agentligiga o‘tkazildi.

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Korrupsiyaga qarshi kurashish agentligi jamoasi yurtimizdagi barcha ustoz va murabbiylarni 1-oktabr — O‘qituvchi va murabbiylar kuni bilan chin dildan muborakbod etadi.

Boy bilim va tajribangiz, isteʼdod va mahoratigingiz bilan Yangi O‘zbekiston yoshlarini "Vatan uchun, millat uchun, xalq uchun!" degan ezgu g‘oyalar ruhida kamol toptirish, mamlakatimizni yanada taraqqiy ettirish yo‘lidagi faoliyatingizda sizga mustahkam sog‘liq, kuch-g‘ayrat va shijoat tilaymiz!

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Korrupsiyaga qarshi kurashish agentligida “S&P Global” xalqaro reyting agentligi va “Citi” kompaniyasi vakillari bilan uchrashuv bo‘lib o‘tdi.

“S&P Global” tomonidan O‘zbekistonning suveren kredit reytingini qayta baholash jarayoni doirasida tashkil etilgan mazkur muloqotda mamlakatda amalga oshirilayotgan korrupsiyaga qarshi va institutsional islohotlarning davlat boshqaruvi, biznes muhiti va investitsiyaviy muhitga ta‘siri muhokama qilindi.

Agentlik direktorining o‘rinbosari U. Tuxtasheva so‘nggi yillarda O‘zbekistonda korrupsiyaning oqibatlariga qarshi kurashish bilan bir qatorda, uning oldini olishga qaratilgan tizimli yondashuv kuchaytirilgani haqida ma‘lumot berdi.

Tomonlar, shuningdek, korrupsiyaga qarshi islohotlarning samaradorligini baholash, xalqaro reyting va monitoringlar natijalari, shuningdek, xalqaro tavsiyalar asosida amalga oshirilayotgan ishlar yuzasidan fikr almashdi.

Xususan, “S&P Global” ekspertlari reytingni baholashda davlat boshqaruvi samaradorligi, qonun ustuvorligi va institutsional muhit muhim omillar ekanini, korrupsiyaga qarshi kurashish hamda byurokratik to‘siqlarni qisqartirish esa biznes va investitsiya muhiti yaxshilanishiga xizmat qilishini ta‘kidladilar.

Uchrashuv yakunida xalqaro reytingni baholash uchun zarur maʼlumot va statistik ko‘rsatkichlarni taqdim etish borasida hamkorlikni davom ettirishga kelishib olindi.

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt