Аngor tumani hokimligi |Rasmiy kanal|

Maktabgacha ta’lim tashkilotida seminar-trening o‘tkazildi

Angor tumanidagi 5-sonli maktabgacha ta’lim tashkilotida “O‘yinga asoslangan ta’lim metodikasi asosida ta’lim-tarbiya jarayonini tashkil etish” mavzusida seminar-trening o‘tkazildi.

Unda o‘yinning bola rivojlanishidagi ahamiyati, ta’lim-tarbiya jarayonida o‘yin metodlaridan samarali foydalanish hamda pedagogning bu jarayondagi o‘rni haqida so‘z yuritildi.

Shuningdek, bolalarning o‘yin orqali bilim olishi, mustaqil fikrlashi, tasavvurini kengaytirishi, va ijtimoiy-hissiy ko‘nikmalarini rivojlantirish masalalari muhokama qilindi.

Seminar davomida pedagoglarning bolalar o‘yinini kuzatish, ularning qiziqish va ehtiyojlarini aniqlash, o‘yin jarayonini to‘g‘ri yo‘naltirish hamda qo‘llab-quvvatlash bo‘yicha bilim va ko‘nikmalarini oshirishga alohida e’tibor qaratildi.

📱Telegram 📱 Facebook 📱Instagram 📱You tube🌐Web-site📱Twitter

Fuqarolar murojaatlari ko‘rib chiqildi

Angor tumani hokimi Qosim Mardonov hamda tuman prokurori Abbos Razikov tomonidan fuqarolar qabuli o‘tkazildi.

Qabul davomida fuqarolardan jami 38 ta murojaat qabul qilindi. Shundan 5 tasi joyida hal etildi, 2 ta murojaat yuzasidan huquqiy tushuntirish berildi.

Qolgan murojaatlar bo‘yicha tegishli tashkilot va mas’ullarga topshiriqlar berilib, ularning ijrosini ta’minlash hamda murojaatlarni qonunchilikda belgilangan tartibda ko‘rib chiqish vazifalari belgilandi.

Fuqarolar murojaatlarini o‘z vaqtida va samarali hal etish, aholini qiynayotgan muammolarga amaliy yechim topish masalalari doimiy e’tiborda.

📱Telegram 📱 Facebook 📱Instagram 📱You tube🌐Web-site📱Twitter