Yo‘llardagi tartib — haydovchilar mas’uliyati va xavfsizligining muhim omili!

Andijon shahrining Lomonosov ko‘chasida viloyat YHXB Maxsus ekspluatatsiya-montaj bo‘limi ishchi xodimlari tomonidan harakat xavfsizligini ta’minlash, haydovchilarning e’tiborini oshirish hamda yo‘llarda tartibli harakatlanish uchun qulay sharoit yaratish maqsadida zamonaviy yo‘l yotiq chiziqlarini chizish ishlari olib borilmoqda.

Yo‘l yotiq chiziqlari — shunchaki chiziqlar emas, balki harakat ishtirokchilariga to‘g‘ri yo‘l ko‘rsatuvchi, intizomni mustahkamlovchi va xavfsizlikni ta’minlashga xizmat qiluvchi muhim vositadir.

Unutmang, yo‘ldagi har bir belgi va chiziq ortida inson hayoti xavfsizligi mujassam!

Yo‘l qoidalariga amal qiling, belgilangan chiziqlarga rioya eting va harakat xavfsizligiga befarq bo‘lmang!

Andijon viloyati IIB JXX YHXB Axborot xizmati