Йўл ҳаракати хавфсизлиги ва киберхавфсизлик — доимий эътиборда!

Андижон вилояти ҳудудида Йўл-патруль хизмати ходимлари томонидан йўл-транспорт ҳодисаларининг олдини олиш, йўл ҳаракати иштирокчилари ўртасида ҳаракат хавфсизлиги маданиятини ошириш ҳамда кибержиноятларга қарши курашиш борасида кенг қамровли профилактик-тарғибот тадбирлари олиб борилмоқда.

Тадбирлар давомида ҳайдовчилар ва фуқароларга йўл ҳаракати қоидаларига қатъий риоя қилиш, белгиланган тезлик меъёрларини бузмаслик, пиёдаларга нисбатан ҳушёр ва эътиборли бўлиш юзасидан тушунтиришлар берилмоқда.

Шунингдек, фуқаролар кибержиноятларнинг турли кўринишлари, интернет фирибгарларининг алдов усуллари, шахсий маълумотлар ва банк карталари хавфсизлигини таъминлаш чоралари ҳақида огоҳлантирилмоқда.

⚠️ Унутманг: йўлдаги бир лаҳзалик эътиборсизлик ҳаётга хавф солиши, интернетдаги биргина ишончсиз ҳаракат эса молиявий зарарга олиб келиши мумкин.

Андижон вилояти ИИБ ЖХХ ЙҲХБ Ахборот хизмати