پاس نرده‌لر آیاق اوستو اوتانیر
پنجره‌نی دیمدیک‌له‌ین سئرچه‌لر اوتانیر
آی اولدوز گلیر ساچیمی اوخشاییر
سس‌سیزجه اوتانیر آغاران تئلیم
اوتای‌دا اسن بایراق‌لار اوتانیر...
سئودیییم یئمک‌لرین
سئودیییم کوچه‌لرین
سئودیییم کیتابلارین آدی دوواردا
سئودیییم قادین آخ!
دؤرد دوواریمین عطیه‌دیر آدی
اؤیرندیییم ایملالار دوواردا اوتانیر...
تامارزی‌دیر بویوما چیخیش قاپیلاری
اللریم‌سه اؤز قاپیمین آچارلارینا
یوخولاریم تامارزی‌دیر اؤز یاستیغینا
داریخما دوغما وطن!
گله‌جه‌یی بؤیودموشم دؤرد دوواریمدا..!
#رعنا_زارع
Post #1992
798