غوربت دن گلدیم وطنه
اورک یئنه سئوینج بولماز
غوربت دولو‌ییدی دوشمن‌له
وطن‌ده‌سه دوست تاپماز
غوربت پاییز سالمیش یئره
وطن کولک‌لی قیش سالار
غوربت باشیما کول تؤکر
وطن باشیما داش سالار
الینده‌یم قورو جانین
الیم ال‌لردن اوزولوب
قانیم غوربت ده توکولوب
سویوم وطن ده سوزولوب
هوروت باخان تره‌زی ام
گؤزلریمین یوکو یوخدور
نه وطن‌ده نه غوربت‌ده
هئچ بیرینده چَکی یوخدور
بیر یئر تاپیلار‌می گؤرن؟
غیرتی وارمی هئچ شانسین؟
کوچوب گئدم آرخامجا هئی
غوربت یانسین، وطن یانسین
#ابوالفضل_محمدزاده
Post #2012
196