БОЗДИДИ ПРЕЗИДЕНТИ АКАДЕМИЯИ МИЛЛИИ ИЛМҲОИ ТОҶИКИСТОН АЗ ПИРЯХИ ЗАРАФШОН

Имрӯз, 3 октябр дар асоси дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дар доираи «Даҳсолаи байналмилалии амал оид ба илмҳои криосфера, 2025–2034» як зумра олимону муҳаққиқон таҳти роҳбарии президенти Академияи миллии илмҳои Тоҷикистон, академик Хушвахтзода Қобилҷон Хушвахт бо мақсади омӯзиши вазъи кунунӣ, раванди тағйирёбии пиряхҳо ва гузаронидани корҳои илмӣ-таҳқиқотӣ аз пиряхи Зарафшон боздид намуданд.

Зимни боздид олимону муҳаққиқон ба вазъи имрӯзаи пирях, тағйироти сатҳ ва ҳаҷми он, таъсири омилҳои иқлимӣ ба раванди обшавии пиряхҳо ва дигар масъалаҳои марбут ба ҳифзу омӯзиши захираҳои обии минтақа таваҷҷуҳ зоҳир намуданд.