2026 жылдың үшінші тоқсанында Astana International Exchange биржасындағы сауда көлемі 1,9 млрд АҚШ долларынан асып, 2025 жылдың сәйкес кезеңімен салыстырғанда 70%-дан астамға өсті. Қыркүйек айында сауда көлемі 560 млн АҚШ долларынан асып, AIX тарихындағы ең жоғары айлық көрсеткішке жетті. Бұл алдыңғы рекордтан 150 млн АҚШ долларына жоғары.
AIX Басқарма төрайымы Асель Мұқажанова былай деп атап өтті:
Үшінші тоқсан AIX үшін даму тұрғысынан тағы бір нәтижелі кезең болды. Біз нарықтың негізгі бағыттары бойынша тұрақты сұранысты байқап отырмыз, сонымен қатар юаньмен номинацияланған құралдарды, трансшекаралық қызметті және экологиялық активтерді қоса алғанда, жаңа өнімдерді дамыту бағытында өзгеріс көп. Сонымен қатар, жетекші биржалармен және нарықтық институттармен әріптестік орнату арқылы халықаралық байланыстарымызды нығайттық.
Есепті кезеңде AIX төрт валютада — АҚШ доллары, Қазақстан теңгесі, БАӘ дирхамы және Қытай юанінде шығарылған борыштық құралдар санын арттырды, халықаралық ынтымақтастықты дамытуды жалғастырып, ерікті көміртек бірліктерімен сауданы іске қосты.
2026 жылғы 30 қыркүйектегі жағдай бойынша AIX-тің Ресми тізімінде 210 эмитент шығарған 436 бағалы қағаз болды. 2026 жылдың 9 айында 77 эмитенттің 126 құралы листингтен өтті. Жыл басынан бері эмитенттер Биржа 6 млрд АҚШ доллары көлемінде капитал тартты.