Anthropic uzoq muddatli agentlik dasturlash va murakkab bilim talab qiladigan vazifalar uchun mo'ljallangan Claude Opus 5.5 modelini taqdim etdi. Model 1 million tokenlik kontekst oynasi hamda 128 ming tokengacha maksimal javob qaytarish imkoniyatiga ega. Message Batches API orqali chiqish hajmini 300 ming tokengacha kengaytirish mumkin.

Model narxi har million kirish tokeni uchun 4 dollar, chiqish tokeni uchun esa 20 dollar etib belgilandi. Keshdan o'qish xarajati million tokeniga 0.20 dollarni tashkil qiladi. Batch API orqali so'rov yuboruvchilarga kirish va chiqish narxlariga 50 foizlik chegirma beriladi.

Yangi arxitekturada adaptive thinking imkoniyati doimiy faol holatda saqlanadi. Fikrlash jarayonining chuqurligi va sarfi maxsus effort parametri orqali boshqariladi. Standart holatda ushbu parametr medium qiymatida ishlaydi, modelning bilim bazasi esa 2026-yilning iyun oyigacha bo'lgan ma'lumotlarni o'z ichiga oladi.

Integratsiya jarayonida to'rtta texnik yangilanish kiritildi. Majburiy vosita chaqiruvi (forced tool use) to'xtatildi, vositalar orasidagi matnlar thinking bloklariga biriktirildi hamda yangi computer use standartlari belgilandi. Model Claude API, Amazon Bedrock, Google Cloud va Microsoft Foundry platformalarida claude-opus-5-5 nomi bilan ishga tushirildi.

@aimastava