Zarpechakka qarshi kurashda e’tibor va tezkorlik muhim

Dalalarda hosil bilan birga turli begona o‘tlar ham uchraydi. Shulardan biri — zarpechak. U qisqa vaqt ichida ekinlarga yopishib, ularning oziqa moddalarini o‘zlashtiradi va o‘sishiga jiddiy zarar yetkazishi mumkin.

Xo‘sh, zarpechak aniqlangan maydonda qanday yo‘l tutish kerak?

Avvalo, kuchli zararlangan ekinlarni chopib tashlash va yo‘q qilish zarur. Bunda zarpechakning boshqa maydonlarga tarqalib ketishining oldini olishga alohida e’tibor qaratiladi.

Ammo kurash faqat bir martalik tadbir bilan yakunlanmaydi. Ishlov berilgan maydonlar muntazam nazorat qilib borilishi kerak. Chunki dalada qolib ketgan zarpechakning kichik bir qismi ham qayta tarqalishi mumkin.

Shuning uchun dalada zarpechakni ko‘rdingizmi — vaqtni boy bermang, uni darhol olib tashlang! Erta aniqlash va o‘z vaqtida ko‘rilgan choralar ekinlarni zarpechakning zararidan asrashda muhim ahamiyatga ega.

Zarpechak bilan kurashda eng asosiy qoida — e’tibor, tezkorlik va doimiy nazorat!

👉Kanalga obuna bo'ling: @agroexpouz

🌐Website|😀Instagram|🌐Facebook