🤟 Тыдзень супраць смяротнага пакарання: 3 падзеі ў Польшчы

Беларусь застаецца адзінай краінай у Еўропе, дзе дагэтуль ужываецца смяротнае пакаранне — і Тыдзень, прымеркаваны да Міжнароднага дня супраць смяротнага пакарання, зноў гучна нагадвае пра гэта: размовамі, падкастам, кіно, адвакатаваннем, музыкай і нават футболам.

• 7 кастрычніка, 19:00 — Лекторый пад мастом у Karma Crew «Смяротнае пакаранне: ад Беларусі да сусветнага правага павароту». Размова пра тое, што сёння адбываецца са смяротным пакараннем у Беларусі і свеце; як правы палітычны паварот і рост папулізму ў розных краінах уплываюць на дыскусію вакол смяротнага пакарання і спробы пашырыць яго прымяненне і што адбываецца з сусветным рухам за адмену смяротнага пакарання. Пасля лекцыі вечар працягне спецыяльны музычны сэт. Karma Crew, Варшава, Al. 3 Maja 15

• 9 кастрычніка, 19:00 — Воркшоп у Кракаве, «Ад Ірана да Беларусі: як смяротнае пакаранне становіцца палітычным інструментам». У аўтарытарных рэжымах пагроза смяротнага пакарання часта выкарыстоўваецца, каб запалохваць апазіцыю, журналістаў і актывістаў — ад Ірана да Кітая і краін Цэнтральнай Азіі. Андрэй Палуда раскажа, як гэта працуе і дзе ў гэтай карціне знаходзіцца Беларусь. Ul. Mikołajska 4/6, Кракаў.

• 10 кастрычніка — Футбольны турнір «Футбол за жыццё», Варшава. Тыдзень завяршаецца футбольным кубкам, бо пра каштоўнасць чалавечага жыцця можна гаварыць і мовай спорту. Рэгістрацыя каманд і гульцоў адкрыта па спасылцы. 12:15–15:30, Centrum Futbolu Warszawianka, Варшава, поле № 4

Поўная афіша Тыдня.