ADPI TALABALARI BELARUSNING VITEBSK SHAHRI BO‘YLAB SAYOHAT QILDI

Andijon davlat pedagogika instituti talabalarining Belarus Respublikasiga tashrifi davomida mazmunli madaniy-ma’rifiy tadbirlar ham tashkil etilmoqda. Xususan, institut talabalari Belarusning qadimiy va o‘ziga xos madaniy muhitga ega Vitebsk shahri bo‘ylab sayohat qildi.

Sayohat davomida talabalar shaharning tarixiy maskanlari, diqqatga sazovor joylari va o‘ziga xos me’moriy qiyofasi bilan yaqindan tanishdi. Shuningdek, Vitebskning boy tarixi, madaniy merosi hamda zamonaviy shahar hayoti haqida taassurotlarga ega bo‘ldi.

Mazkur sayohat talabalarning xorijiy mamlakat tarixi va madaniyatiga bo‘lgan qiziqishini oshirish, dunyoqarashini kengaytirish hamda turli xalqlarning qadriyatlari bilan yaqindan tanishishida muhim ahamiyat kasb etadi.

Xalqaro akademik mobillik yoshlar uchun nafaqat ta’lim va tajriba almashish, balki madaniyatlararo muloqotni rivojlantirish, yangi muhitni o‘rganish va xalqaro hamkorlik aloqalarini mustahkamlash imkoniyatini ham yaratadi.

Andijon davlat pedagogika instituti talabalarining Belarus Respublikasidagi mazkur tashrifi ularning bilim va tajribasini boyitish, xalqaro dunyoqarashini kengaytirish hamda turli madaniyatlar bilan yaqindan tanishishiga xizmat qilmoqda.

🟦Rasmiy sahifalarimizni kuzatib boring
🟦Telegram🟦Facebook🟦Instagram🟦YouTube