ADPI TALABALARI VITEBSK DAVLAT UNIVERSITETIDA MAHORAT DARSLARIDA ISHTIROK ETDI

Andijon davlat pedagogika instituti talabalarining Belarus Respublikasidagi akademik mobillik doirasidagi tashrifi davom etmoqda. Tashrif davomida talabalar Vitebsk davlat universitetining Tasviriy san’at va grafika fakultetida bo‘lib, fakultet faoliyati hamda ijodiy ishlar bilan yaqindan tanishdi.

Uchrashuv jarayonida talabalar va professor-o‘qituvchilar tomonidan yaratilgan san’at asarlari namoyish etildi. ADPI talabalari ushbu ijodiy ishlarni tomosha qilib, tasviriy san’at sohasidagi tajribalar bilan tanishdilar. Shuningdek, ular tashkil etilgan mahorat darslarida bevosita ishtirok etib, yangi bilim va amaliy ko‘nikmalarga ega bo‘ldilar.

Mazkur tashrif talabalarning ijodiy salohiyatini rivojlantirish, tasviriy san’at yo‘nalishidagi bilimlarini boyitish hamda xalqaro tajriba almashish uchun muhim imkoniyat yaratdi.

🟦Rasmiy sahifalarimizni kuzatib boring
🟦Telegram🟦Facebook🟦Instagram🟦YouTube