موژده!
کریم گول اندام

یئتیشدی گوز ،گؤزه لیم مؤسومِ شراب اولاجاق!
یاشیم یوز اولسا نه قم دوره ی شباب اولاجاق!

سنیله سئوگیمیز ین  هر عطیرلی خاطیره سی
دوشرسه دیللره هر سطری بیر کیتاب اولاجاق!

اوزوم سویوندا دی عشقین گوجویله مؤجیزه لر
جوشوب ،داشیب ،آرینیب دوپ-دورو،  گولاب اولاجاق!
ایچین شرابی طرب له توراب ساغلیغینا
سیزین ده من کیمی چون جسمینیز توراب اولاجاق!
هرایشده اعتدالین ساخلایان نه یاخشی دئمیش
شرابدا حددینی آشسان حالین خاراب اولاجاق!

ثواب  پئشینده سن ، اویما ثواب آخیرته !
اوواندا  ظولمکارین بورنو نو ثواب اولاجاق!

توت،انیقیلاب ائده جک میللتین! سئوینمه کریم!
سئوین اوگون کی بئیین لرده اینقیلاب اولاجاق!

مهر آیی -۱۴۰۵-اورمو
  
گوز(güz) پاییز_شباب :گنجلیک توراب(تراب)تورپاق-توت:فرض ائت
https://t.me/Adabiyyatsevanlar