آتامین آراسیندا گیزلی، ساکیت بیر ساواش گئدیر. بو ساواشین اؤزو دَه مَنی اییرَندیریردی. چونکی آتام آنامی یئنی‌دَن یاتاق اوتاغینا قایتارماق ایستَه‌ییردی.
او گئجه مَن یاتاغیما گیریب گؤزلَریمی یوماندا دا بونا چالیشیردی. بوغوق سَسلَر ائشیدَنده آنلادیم کی، آنامین ایستَمه‌دییی بیر شئی باش وئرير.
قالخدیم، تختیمین یانینْداکی سو بَارداغینی گؤتوروب یئره آتدیم. ایشیغی یاندیردیم و آنامی چاغیردیم.
قوناق اوتاغیندا ساکیتلیک اولدو. آنام گؤروندو، ساچلاری داغینیق ایدی. اوزو پؤرتْموشدو.
-آغریییرام، - یالان سؤیلَدیم.
-هاران؟ - دئدی، آمما مَنه یاخینلاشمادی.
او آندا بونون مَنه قارشی سویوقلوقدان اولمادیغینی حیس ائتدیم. آنام اؤزونْدَن، بیر آز اؤنجه نَه یاشامیشدیسا، اوندان اییرَه‌نیردی.
مَن قارنیمین آغریدیغینی دئدیم. آنام دیقّتْلَه اوزومَه باخدی، مَنه ائله گَلدی کی، یالان دئدیییمی آنلادی. چونکی گؤزلَرینده میننَتدارلیق گؤردوم.
تام صمیمی دئییم؟ مَن او خیشیلتی‌نی، آنامین بوغوق سَسینی ائشیتْمَه‌مَک اوچون یئنه قولاقلیقلاریمی تاخيب موسیقی دینلَه‌ییب، او سَسی باتیرا بیلَردیم...
-آنانیزین سیزی یئنی‌دَن سِئوْمَه‌سینی ایستَه‌ییردینیز آمما.
-عینَن. اَوَّل بونو باشا دوشَنده قورخمُوشدوم، یئنه آتاملا اؤزوم آراسیندا بیر اوخشارلیق یارانمیشدی ائله بیل. آمما سونرا بو حیس کئچیپ گئتدی. آنلادیم کی، انسانین اؤزو اوچون نَسَه ائتمَه‌سی یانلیش بیر شئی دئییل، یانلیش اولان باشقالارینی اؤز مَنفَعَتینَه قوربان وئرمَکدیر.
آنام مَنه سِئوگی ایله باخمایاندا، او سِئوگینی گئری قازانماق اوچون ائله‌دیییم شَئیلَر قَباحَت دئییلدی. حَتا بَلکَه نورمال اولانی بو ایدی.
بونو آنلایاندان سونرا عینَن آتام کیمی ساختاکار اولماق قورخوسو دا کئچیپ گئتدی. او یاشدا مَن هَر شئیی، بوتون حَرَکَت‌لَریمی آتامین کیلَرله مُقایِسَه ائدیردیم و قورخدوغوم نَه واریدیسا، اونلاری اؤز کیملیییمدن اوزاقلاشدیرماغا چالیشیردیم.
-سیزین دَه اتم سیلاحینیز آتانیز ایمیش یَعنی...
-عینَن.
-آنانیز سیزی سئوْدی؟
-سِئوْدی، - دَنیز مَمْنونلوقلا گولومسَه‌دی. آرازیمیزداکی باغ ائله گوجلَندی کی، بیر مُدّت سونرا مَنی سِئوسین دئیَه یوخ، آتامین تَجاوُزلَرینْدَن خِلاص ائتمَک اوچون اونو قوروماغا باشلادیم.
مَن غیرِاختیاری اوزومو تُورشوتدوم.
-یوردوم سیزی؟ - دَنیز هیجانلا دیللَندی.
-یوخ، سیزلیک دئییل، مَن... - داوام ائتمَه‌دیم.
دَرین‌دَن کؤکس اؤتوروب دَنیزین چیْینی اوستونْدَن دَنیزَه باخدیم. گئجَه‌نین قارانلیغیندان سیریلیب چیخاندان سونرا سَما ایله عینی رَنگَه بؤرونموشدو، ایکیسینین بیرلَشدییی یئرده مَهیب بیر حُدودسوزلوق یارانمیشدی.
بو حُدودسوزلوق ایچیمَه آخدی ائله بیل و مَن آنامین اوزونو گؤردوم - کَدَرلی، کوسکون اوزونو...
خَسته‌خانا اوتاغیندا مَنیم آرتیق کیچیک اولمایان اَلیمْدَن توتوب اوزومَه باخانینی گؤردوم. سونرا ضَعیف پِیچیلتیسینی ائشیتدیم.
28
«سَنین بالاجا اَللَرین مَنیم بؤیوک یارالاریمی ساغالدا بیلَردی. سَن اَللَرینی آرخاندا گیزلَدیب یاراما توخونماق ایستَمه‌یَنده مَن چوخ تَک قالدیم» - -تَصادوفَن آنانیز بونا بَنزَر سؤزلَر پیچیلداماییب سیزَه؟
دَنیز حئیرَتلی حالدا اوزومَه باخیب دویوخدو. اورَه‌ییم بئینیمین ایچینْدَه ووروردو ائله بیل، آمما ساکیت گؤرونمه‌یَه چالیشیردیم.
چوخدان ائتمه‌دیییم حرکَتی ائتدیم - ماسانین آلتیندا بودومو سیخیب اونون آغریسی ایله ایچیمْدَکی آغری‌نی باسدیرماغا چالیشدیم. ایل‌لَر اؤنجه ائتدیییم کیمی...
اوزون ایل‌لَردیر خاطیرلاماق، اوز‌لَشْمَک ایستَمه‌دیییم شئیلَر هجوم ائدیب حوضورومو پوزموشدو. دَنیزَه قارشی کین دویماغا باشلادیم. قالخیب گئتمَک ایسته‌ییردیم.
-بونون کیمی گؤزَل دئییلدی، آمما دئمیشدی. اونو آتامین یومروق‌لارینْدان قورومایان گون‌لَرده مَندَن کؤسدوینو دئمیشدی. دوزدور، آناملا مُناسِبَت‌لَریمیز دوزَلمیشدی، آمما بو سؤزون آچدیغی بوشلوق زامان-زامان مَنی اودوردو.
Post #30808
292