علی رشتبر" قاییب"

آی آستاجا اسن یئللر
بیر آن دورون، سؤزوم دردلی
دوست هیجرانی یاخیب منی،
اودوم دردلی،کؤزوم دردلی

شعیریمه دومان چؤکور
کلمه لریم هارای چکیر
یوللاریندا قان یاش تؤکور
بیر دلینین گؤزوم ،دردلی.

روحوم اولوب بؤلگه_بؤلگه
یوردوم کیمی تیکه-تیکه...
اودور منله ایندی بیرگه
قوچوم درددلی ،قوزوم دردلی.

تک سورمورم بو حالی دا
کدرلی ده یارالی دا...
مندن بیر آز آرالی دا
اوغلوم دردلی ، قیزیم دردلی.

سورموشم عؤمرون چوخوسون،
حیس ائدیرم کؤچ قوخوسون.
هاواختاجا غم یوخوسون
دم آدینا یوزوم دردلی.

قاییب دردی تانری وئردی
دئدی دردی سئون نردی.
بوندان بئله دنیز دردی،
گرکدیر کی اوزوم دردلی.

https://t.me/Adabiyyatsevanlar