انصار قاراداغلی

الیف بالیق

اود پارچاسیدیر ، اوقیانوس احیالیغین ایستیر ...
دریا ، قاپی آچ ، دریادی ، دریالیغین ایستیر ...
ایچمیش سویون آتشلی شرابین دا سوسوزدان
مریم هاوالی بانکا ، مسیحالیغین ایستیر ...
گؤز وْوردو بیزیم غملی تمنّایا ، کؤنولسوز
یوخسول دنیزین آیناسی رویالیغین ایستیر ...
گؤز قارا ، باخیش مشرقی قان قیرمیزی ، دریا !
دُرین ده لی سئوداسی پریسالیغین ایستیر ...
چالمیش داشا یار تونگونو زمزمزملی بولاقلار
باش آچمیش آذان هاجری ، رسوالیغین ایستیر ...
بو قافیه سیز قبله صغیر « دان » نفسی یله
افلاکی چیراقدان سؤکور ، انشالیغین ایستیر ...
توستو ، فلگین قالخدی قدیم دودیمانیندان ،
توستو - اوجاق اودلاردان آل املالیغین ایستیر ...
مصرین هنری حلی آغیر هندسه لرده ن
رسم ائتدیگی اهراملارا سینالیغین ایستیر ...
منظومه لری شیلله له ین قلبی داش آللاه
علم عالمینین تورینا موسالیغین ایستیر ...
اودنامه ،گؤزو کؤلگه لیدیر احمدی- حکمت !
اولسون کی الیف- بالار الیف بالیغین ایستیر ...
قرآنلارا کافر چیراغی عرضه یازاندی
هر سؤز قلمی « اقراء » و امضالیغین ایستیر ...
آللاه ایله انسان ایشیغا فتحه و کسره
بو دایرده مکه مصلالیغین ایستیر ...

۱۴۰۵/۰۱/۰۱



تقدیم به آن مادری که همه فرزندانش را در راه حق و آزادی قربانی داده است ؛ به آن هاجر دهر  (
چالمیش داشا یار تونگونو زمزمزملی بولاقلار
باش آچمیش آذان هاجری ، رسوالیغین ایستیر ... )


https://t.me/Adabiyyatsevanlar